Latest Entries
Uncategorized

面對面 童顏無忌 陳自瑤

From Evernote: 面對面 童顏無忌 陳自瑤 Clipped from: http://bbs.ent.163.com/bbs/tvb/198465845.html 面對面 童顏無忌 陳自瑤 約陳自瑤( YoYo)接受訪問的前幾天,照例事先商量照片和服裝方向,她的無綫經理人特別強調造型要成熟,說 YoYo已 29歲了,又剪了多年留的長髮要改變形象,還是有傳媒把她當小妹妹看待,愛給她準備些可愛粉嫩的少女服飾。 配合不是問題,可是看過陳自瑤主演的《仁心解碼》結局單元,硬是覺得扮演精神科實習醫生的 YoYo,扮小護士比穿起白袍更有說服力;剛拍畢的《抉宅男女》, 29歲的 YoYo與 25歲的羅仲謙是一對,看起來比謙謙與同齡的傅穎更合襯;讓人免不了擔心,天生一副童顏的陳自瑤,想走成熟路線是不是有些一廂情願?吃娛樂圈這行飯的,不是人人都夢寐以求一張不會老的童顏嗎? 陳自瑤說童顏曾經是特色,如今是障礙:「咁多年唔係做人哋個妹,就係做人哋個女朋友,其實我都好想有獨當一面嘅一日。」 19歲因為代言城市電訊一炮而紅時,我見過 YoYo一面; 24歲簽約無綫不久,她也應邀做過本刊專訪主角一次;又五年過去了,她的語調情緒依舊起伏不大、男朋友像往年一樣總是門當戶對、不太換畫,圈中密友不多、敵人亦不見得有,陳自瑤不變的,除了童顏,還有本性。 有些人,就是註定要擔當別人的妹妹或女朋友,可愛討喜,卻不耀眼。 裝嫩 計埋上個星期開鏡的新劇《我的如意狼君》,陳自瑤說自己來年排隊播出的劇集足足六套,算是產量最高的一年。 其中在《花花世界花家姐》扮演第三女主角,角色是名模兼林峯前女友:「套劇話林峯係個有錢仔,結果屋企落難又同我分手,俾佢遇到阿佘。阿佘今次做個智商得 10歲嘅智障人士。」 35歲佘詩曼扮 10歲,我極度質疑其說服力,並感慨電視台的青黃不接,花旦小生 10多年還是那幾張面孔、三張幾還得裝嫩:「我又唔覺得阿佘扮 10歲智商好難接受,佢嘅演技我真係好佩服、好欣賞……呢行係咁,我哋嘅角色確實係為咗陪襯。一直做陪襯失唔失望?其實我又真係唔覺得失望,我未夠資格,亦都未去到嗰個階段,做主角壓力好大 o架,真係要做啲嘢畀人睇到至得。夾硬上咗位,一套劇表現唔夠好,落得仲快!」 其實我又真係唔覺得失望,我未夠資格。一直做陪襯失唔失望? 現任男友王浩信比陳自瑤年幼 2年,去年尾感情亮紅燈,有傳聞說男方靠 2千短信箍煲成功。《忽然 1周》圖片 35歲阿佘都可以扮 o靚妹,我不懂不到 30、外表依然少女的陳自瑤為甚麼急着裝熟女: 「早幾年,我都還欣然接受,童顏係我嘅優點。但呢兩年,仲有人叫我妹妹仔、去幫雜誌影相,見到人哋仲係借緊啲 cute cute少女衫時,我真係驚到嗌『唔好喇啩?』外表呃得人,但我呃唔到自己,我內心真係唔再少女吖嘛!」 衣服刻意成熟、笑容刻意收埋、近年多了看哲學和演技書,還在外找導師學戲,又特地剪短留了多年的長髮,除了扮成熟,陳自瑤承認外形多年一成不變太沉悶,犯了演員大忌。 「我真係唔想再做人哋附屬品、唔想再做問題少女,剪咗頭髮, so far監製都覺得有新鮮感,我由人哋個妹,起碼做咗人哋個女朋友……慢慢嚟囉。」 07年拍攝《同事三分親》,陳自瑤與蔡淇俊撻着,還因此捲入手機遺失外洩女星裸照事件。《忽然 1周》圖片 剛播完的《仁心解碼》,陳自瑤的身份是精神科實習醫生,但演起來一樣像俏護士。《蘋果日報》圖片 本性 說到演技,陳自瑤說 09年拍攝《女人最痛》獲益良多: 「米雪姐唔只自己好戲,仲肯教人……仲有阿佘同楊怡,合作咁多次,我覺得佢哋演技真係好好!」 … Continue reading

Uncategorized

留星語 – 仍然是自己 王君馨

From Evernote: 留星語 – 仍然是自己 王君馨 Clipped from: http://dev.eastweek.com.hk/index.php?aid=25724 仍然是自己王君馨 老實說,王君馨是不是處女,真的關你鬼事。因為踏入演藝圈,成為公眾人物,所有私事才變了公事。王君馨由參加選美至得獎後,其實很清楚。她曾經很努力取悅身邊所有人,最終落得迷失自我的悲慘下場。「你話我笑得唔夠甜,我咪盡量笑甜啲,你話我唔夠瘦我咪盡量減肥囉,你話我把聲太高咪盡量低音啲講嘢囉。「全世界你可以please幾多個人?就算你please到一半,噢佢哋聽日話都係覺得你高音啲好聽啲……你明唔明呀?喺呢個圈我想keep住嗰個真,用真心對人,同埋慢慢去搵番自己。」人生在世,為誰而活,很多人該有自己的答案, 無論你是否和王君馨一樣是基督徒(或處女)也好。 要澄清,王君馨是否處子之身,不在本訪問探討範圍內,基於這是一本八卦娛樂雜誌,王君馨先來跟大家分享一下她的愛情,包括過去和現在的。 廿六歲的王君馨,四歲移居美國紐約,廿一歲才回港參選港姐。她的初戀發生在十七歲,即使當時未信主,她的韓籍男朋友在她口中是位「好虔誠嘅基督徒」。 「佢太乖喇,我覺得配唔起佢,我哋咀都冇咀過!因為佢以前個女朋友話佢錫得唔好,所以佢唔敢摧毀我嘅初吻。佢揸住我塊面咁樣(雙手摸着面、兩隻拇指按在嘴唇上),跟住咀佢隻手指囉,呢個就係我嘅初吻,隔住手指嘅初吻。 自小在美國生活,王君馨(右)的表演欲已超強。 ○七年港姐三甲,(左起)亞軍王君馨,冠軍張嘉兒,季軍周美欣。誰人曝光最多,答案實在顯淺。 「第二個男朋友,同佢講咗我哋未必去到嗰個level,佢就發脾氣,我見到佢咁樣為咗呢件事發脾氣,我覺得睇錯人啦!跟住第三個男朋友就係依家呢個喇。」 因為宗教信仰而守住女仔人家最後防線,無可厚非。查實王君馨信主才四年時間,那麼廿二歲前的她,防守概念又是如何? 「好細個冇人教我嘅,係有把聲音,教咗我兩樣嘢:『君馨,你未同呢個男仔去say I love you嘅時候,唔可以同佢做嗰啲嘢;第二,你唔可以為佢死,就唔可以講I love you。』所以我細細個已經搵老公o架喇,我以為我第一次拍拖已經會嫁畀佢。」 現任男友在她回港選美前已拍過一年半拖,戀情當時無奈終結。緣份天注定,不到你不信,兩人分開六年後再走在一起。也巧合地,她四年前信主,他三年前也信了主,榮耀歸於主。 「佢係一個好尊重我嘅男仔,我記得第一次約會,佢送我返屋企就話:『好多謝你用咗今日嘅時間陪我。我知你好忙,其實你可以陪其他朋友。』點解一個男仔可以咁嘅?Gentleman到不得了。」 兩人有共同信仰和人生目標,王君馨似乎已經認定了他。 「我好開心我哋好尊重對方嘅passion,佢想讀埋個MBA,佢知道我好鍾意演藝,總之好支持我,叫我唔好為咗佢放棄任何嘢。如果神擺我哋喺埋一齊,我哋係要令對方更加好!」 包括陪漏夜開廠拍劇的女友一齊吃外賣、得閒到女友家中洗碗執屋、去旅行分房瞓等。 「佢又好純嘅,我哋兩個都等緊結婚嘅時候,喺嗰個等緊嘅時候,原來係好用心好用時間去了解對方,我哋傾偈、一齊去睇電影、一齊去enjoy某啲嘢,真係用心了解對方,而唔係physically了解對方。當你好physically去識一個人先,跟住其他嘢可能好多heartbreak。我好多女性朋友太多heartbreak,喺佢哋身上學咗唔好咁快畀個身體啲男仔。 「純潔係唔需要證明,人哋係睇到你。我唔需要企喺度話:『係呀!我好潔淨好pure!』我唔係想話我好過邊個,完全唔係比較。」 王君馨(右二)《舞動奇迹》第二季冠軍,公司的一哥一姐也幾乎要向她俯首稱臣,時常喚她作「舞后」。 《日日有食神》是把王君馨(左二)打進地獄的節目,幸好否極泰來,苦盡甘來。 真我的風采 脆弱時,如果沒有肯付出的朋友幫忙,她可能已經做了傻事。多得高皓正、趙希洛和周家蔚帶她認識基督教,王君馨終能找回自己。 「我有自由笑,有自由去休息,就算畀個工作環境捉得好緊,可以冇得瞓覺,其實有得選擇,講真一句你係可以say no嘅。呢個世界某程度上係一個捆綁,但喺神裏面,點解唔可以選擇?」 她近日日以繼夜地工作,同時拍攝兩齣劇。 「我呢四日加埋都瞓唔夠十個鐘,差唔多兩個鐘、兩個鐘咁瞓。雖然係辛苦,但我好enjoy,當依家係一個訓練營,就唔驚辛苦,有乜嘢盡量做好佢,學識咗唔好畀自己太多壓力,一定要點樣、嗰滴眼淚要喺幾時落之類,呢啲已經要放低,總之你嘅戲係真、畀到戲你對手就OK。」 能性感是本錢,也能勝任某些角色,但王君馨也明白內涵的重要。 有了自我,她敢去表達自己,慢慢成為性感偶像。 「我覺得性感係一種感覺嚟,唔需要着得好暴露都可以好性感。點解我覺得我可以性感?因為我以前跳舞,我有好自信嘅眼神。我覺得個角色啱嘅時候性感啲係OK,或者呢條裙好grand好性感,你就要更加自信嘅眼神去hold住條裙。但你着得暴露引人注意我就唔認同,好身材嘅人大把,呢啲嘢唔會last得耐囉,出面嘅靚好各花入各眼。我覺得佢條腿靚,因為有少少肌肉,第個人就覺得『No!肌肉好核突,完全唔要,打botox吖唔該!』」 說着說着,她還是在意觀眾反應。 「其實大家依家諗嘅王君馨係點嘅呢?」 王君馨大讚無綫肯讓藝人發揮所長,籌款節目就是最佳的舞台。 現在的王君馨,留着短髮,更愈剪愈短。 「嚟緊拍嗰套劇會更加短!」 為了《女警愛作戰》而剪短髮的她,勢頭也像愈來愈好。 「個勢好似好啲,好似啱番自己性格。個個都喜歡咁又OK,之前染過金頭髮,好多導演都鍾意,話要搵個角色畀我做吓。我會為咗一個角色做好大膽嘅嘢,可能有一日要光頭我都肯o架。所以希望呢幾年更加多挑戰,同埋識得愛錫自己,因為愛人如己吖嘛。」 跟王君馨過了一個下午,她令我罕有地想起《聖經》話語:「耶和華卻對撒母耳說:『不要看他的外貌和他身材高大,我不揀選他。因為,耶和華不像人看人:人是看外貌;耶和華是看內心。』」(撒母耳記上16:7) 不論王君馨留甚麼長度的頭髮、外貌怎樣,是否基督徒(或處女),相信她絕對樂於看見,有更多愛她就如愛己的人出現。 「祝福你!」她幾乎和任何人道別時,也用愉悅的聲線這樣說。 好,祝福你。 為拍劇而剪短髮其實算小兒科,讓我們期待王君馨(左)更突破的犧牲。 Continue reading

Uncategorized

留言集 老童遊記 蘇民峰_O.P.E.N_百度空间

From Evernote: 留言集 老童遊記 蘇民峰_O.P.E.N_百度空间 Clipped from: http://hi.baidu.com/xiaoyujimes/item/3141c45fadcd5ddcd48bac39 O.P.E.N 豪语录 留言集 面对面 电视色香味 留言集 老童遊記 蘇民峰 sudden 668 與蘇民峰在工作上有過幾面之緣,他會記得曾經合作過的記者。 「做乜好轉去有線度做?」他一見面便問我。 我頓時O晒嘴。原來,他只知道今天要為新一輯掌相節目做宣傳,卻不知道被安排做雜誌訪問,以為我是有線工作人員。 「,鬼知咩,我依家已經半退休,兩年無做訪問啦,好多都無理。」 蘇民峰,永遠寸嘴,記憶中從未謙虛過。 風水命理、蒲吧溝女,他向來是專家;在電視開班授徒,他非常得戚:「就係想外面班風水師學,唔好招搖撞騙!」 近年投資有道,近億身家更令他牙斬斬。 「都白癡,投資唔係講運,係講眼光!」 蘇民峰最愛罵人「白癡」,但永遠笑騎騎。四十八歲,依然穿最潮的JohnGalliano,像個遊戲人間的老頑童。 人到無求,更加寸爆。 去年拍《四十日峰狂環遊世界》,蘇民峰說:「係班攝製隊緊張之嘛,我都去過晒!」 最新一輯《「峰」生水起精讀班》下周推出,主持由吳文忻變為董敏莉,應該是近年有線較有收視保證的節目。 煩惱 坐在汀九四千呎獨立屋,屋主蘇民峰居然跟我們一樣,喝樽裝礦泉水。 「呢度淨係俾你傳媒影相,我嫌靜得滯,裝修好只係住一個禮拜,之後搬番去尖沙嘴。 「我習慣一年去幾次布吉,住呢度仲使去?」 千萬豪宅只靠菲傭打理,蘇民峰好日才回來一次。看見門口那個應該放水的花盆早已乾塘,他才喚菲傭加水。 「呢個賓妹算好,肯掃下樹葉,以前個懶到死!」 蘇民峰「慨歎」現時最大的「煩惱」,是唔知去邊旅行。 「每個月第四個禮拜放假,每年八月一日到三十一日又放假,全世界都去過,已經唔知可以去邊。今年八月去北歐同蘇聯,我女友未去過。」 這是個極度愛晒命的人,你即管罵他浮誇,他話之你。 「我係全世界最叻風水師,就算你唔認同,我都當正自己係。其他人完全唔同級數,莫講話有幾多料,智慧已經差好遠。」 只要開心,乜都夠膽死,如扮女人。圖為○一年,扮梁詠琪。《壹本便利》圖片 智慧 好,就研究下蘇民峰的智慧。細細個,他住九龍城寨,百幾隻老鼠的「大場面」,見慣不怪。 「用木衣夾、橡筋再加支大頭針,就整到支『飛鏢』,一射就拮死隻,有得玩之餘,又唔使打到一pat咁烏糟,你話幾叻!」他笑得很開懷。 這,應該是最早期的街頭智慧。 讀書最叻計數,中二前數學全是一百分。「中二要用英文,鬼識咩!結果肥佬晒。」 中四輟學,做過跟車、苦力、茄喱啡,英文唔識多個居然夠膽去高級髮廊見工當學徒。做了六年髮型師,又走去西藏流浪半年,回港後才開始正式睇相。 「做人最緊要變通,邊有一份工做到老?點解呢行無人及我,因為我會進步。」 九十年代,他自創「寒熱命」理論,現時不少風水師都跟他口水尾。 曾客串電影如《行運超人》,「都係玩下,拍戲邊搵到食?」 「風水唔係萬能,只係在能夠計算範圍內做到最好。我唔怕客人找晦氣,你話我知點錯,我先有辦法改進。 「我有個學生,一日到黑打問呢樣點睇樣點睇,我叫佢不如再上堂,我永久保用,唔使再收錢喎,佢都唔。」 蘇民峰由八六年開班授徒至今,學生近千,但無一個打出名堂。也有些風水師傳聞是他徒弟,但當事人從未承認過。 「點解無人接到我手?因為佢欠一個字:心。做呢行係一件好恐怖事,人人都叫你『大師』,大大下就愈捧愈高,做到咁上下眼內只有個錢字,而唔係真心幫人。 「你話我寸都好,我從來無一秒立心呃人。」 … Continue reading

Uncategorized

cover face 張鈞甯

From Evernote: cover face 張鈞甯 Clipped from: http://bbs.ent.163.com/bbs/tv/103722940,5.html cover face 張鈞甯︰“我唔係靠個胸!” 2009年06月19日 藍色薄紗 tube dress(未定價) Blumarine 閃電藍色蛇皮高踭鞋$12,800 Gucci “ Regitze”圈形純銀頸鏈$24,120 Georg Jensen 一個人的名字,或多或少透露其出身。從前農村人怕小孩養不大,名字離不開雞牛豬狗;而張鈞甯這個「甯」字,翻查國語辭典,「甯」跟寧相通亦同音,意指盼望,早在周代已有人用甯做姓。名字如此有來歷,張鈞甯確實不簡單。 這位台灣玉女,外形纖瘦柔弱但主修法律;出道不久,便從林志玲手上,接過幸運草金飾代言人,另一邊廂跟言承旭、周渝民及阮經天等做過銀幕情侶,所拍電視劇均令她人氣更升一級,最新動作是在電影《殺人犯》裡演郭富城的太太。 相貌清麗加上擁有 32C驕人上圍,卻不打算行性感,她自嘲「我胸部不比別人大,也不像有些女星以胸部作賣點」;這位在台灣人眼中的「三高」美女(學歷高、收入高、身形高),可謂大把本錢,當然毋需賣肉! Profile 張鈞甯 Ning Chang 出生日期: 1982年 9月 4日(處女座) 出生地:德國慕尼黑 身高: 5呎 5吋 體重: 105磅 語言:普通話、台語、英語及德語。 學歷:國立台北大學法律系畢業,現就讀國立中央大學產業經濟研究所法律組碩士。 簡歷:大學時有次在台北逛街,好心替調查員完成護膚品問卷,數月後調查員轉職到她現在的經理人公司,並向公司推薦她入行。 06年與言承旭演出台劇《白色巨塔》走紅。 07年憑《情非得已之生存之道》獲「台北電影節」最佳女主角獎。 主要作品:電影:《情非得已之生存之道》( 2007)、《殺人犯》( 2009);電視劇:《白色巨塔》( 2006)、《我在墾丁*天氣晴》( 2007)、《蜂蜜幸運草》( 2008);廣告:《 Neutrogena深層美白修護面膜》( 2007-2009);音樂:《誰也不欠》(音樂劇《向左走?向右走》主題曲)( 2008)。 個人網頁: … Continue reading

Uncategorized

面對面 精明眼 江若琳

From Evernote: 面對面 精明眼 江若琳 Clipped from: http://hi.baidu.com/xiaoyujimes/item/0c57efc194ff1ad9ee183b0d 面對面 精明眼 江若琳 face 017 7月尾,本刊曾以「扒女大改造」為題,揭露4年前120磅江若琳的矇豬樣。 所以今次拍照時,江若琳的經理人問了N次:「今次主題係咩?」訪問時再問多N次:「今次正面嘛?」 反而主角江若琳(Elanne)影相時只係眼仔碌碌,連環上落山路3次都笑嘻嘻,不停轉甫士仲識伸單眼嘟嘴交足表情:「以前唔靚都唔係咩大秘密,哈哈。」說起剛到雲南拍特輯又會話:「我冇高山症,但係化妝品有呀,一打開就『淝』一聲噴晒出,哈哈。」 _ 可能剛巧上星期訪問完動漫Maggie,我以為同齡的江若琳都係懵盛盛,俾人吞落肚番出全身濕都唔知發生咩事的得意少女,哈哈。 實情,「要寫衰我,之前都唔會講定畀我知啦,擔心咁多不如影靚相,真心答你,希望你有料寫好。」新一代少男殺手繼續碌大眼認真地說。 咦?寫寫唔覺唔覺有讚冇彈。 19歲的大眼睛,果然擾人心神! 變o靚o的 _我唔覺得自己可愛,表情係衰相。 新舊江若琳對照,震撼過《變靚D特約:唔使怕醜》白老鼠大變身,連不太留意娛樂新聞的朋友也會說:「江若琳?梗係靚啦!不過好似話執過。」還有,網上有口痕友說江若琳睜大眼扮可愛好難頂。 青春少女組面對如此攻擊,預計只識答「做好自己咪得」,或者好似hang機一樣不斷重複說:「有批評先有進步……有批評先有進步……」 月尾才滿20歲的江若琳,卻對答得好淡定。 以前肥呀,120磅,肥到冇輪廓,但係中國人都有句說話——女大十八變。我一日一餐又試過,日日做一個鐘運動又試過,咩減肥茶呀咩餐單都試過,呢兩年好辛苦先減20磅。我只係箍過牙,我不嬲天生都係雙眼皮,不過係內雙,至於話我黐膠紙戴大眼仔,冇所謂,我都係想自己大家眼中靚。 做artist都預會俾人番以前相出比較,咁我以前係唔靚都唔係大秘密,家人人都知。 我唔覺得自己可愛,表情係衰相,可能公司塑造形象啦,個個都鍾意叫我扮鬼臉影相。我做番自己之嘛,一個19歲女仔鍾意成日笑冇問題。 開頭見到呢報道唔開心一定有,有喊呀,唔開心一大段時間,每一日都打畀經理人問:「點算呀?歌迷會唔會好介意我以前唔靚?會唔會冇咁鍾意我?」 後尾一直都反對我入行媽咪同我講:「呢一行遊戲規則係咁,如果呢樣都捱唔到,係咪唔想做落去?」之後我先諗得正面。 閂水喉 _19歲未拍過拖,你睇佢16歲參加選拔時個樣,其實唔太出奇。 _「寧神養目好視力」,巴黎為您美這廣告,一雙大眼睛首次發光。 7月書展,有三點式水的寫真《ParadiseofColour江若琳》引來200歌迷排隊輪簽名,多過同場的林一峰加埋麥玲玲書迷總和。之後大碟《Innocent》推出,一星期賣出5千張。「單撈」風行時勢下,這張中期考成績表絕對見得人。 只是,等這張成績表,由簽約經理人公司寰宇入行計起,江若琳等了兩年。等得連一直在經濟上支持、當國際學校老師的母親,亦發脾氣關水喉。 15歲成班同學柴娃娃去casting《17歲的夏天》,當時導演話我感覺好清爽,所以選我,媽咪話當係summerjob冇所謂,陣都賺幾千蚊,不過拍完更加唔想入行,覺得拍戲好辛苦。 到16歲,成班同學又話去casting《伙頭智多星》女主角,陣我又唔識化妝,tee加牛仔褲去,我同學就好多都係parttimemodel,化晒妝晒高鞋,我當陪佢玩咋,點會選中我。結果都係冇選中我,臨走去廁所,有個女人問:「喂,妹,點解我唔見你casting?」後尾有個人追出問我電話,我先知佢係寰宇老闆娘(林太),佢梗係未見過我啦,我第一輪都過唔到。 機緣巧合有機會入行,當時我媽咪聽見好大反應:「唔得!唔得就係唔得!唔好發埋晒明星夢!」之後我都喊一排,反而我爸爸就好開通冇反對,不過佢成日大陸傾生意,都冇時間幫口,最後係我媽咪朋友同佢講:「如果唔畀佢試,第時大怨你仲衰呀!」先有轉機。 經濟上都有支持,但係可惜簽約年幾兩年,一直都冇乜工作,冇成績畀媽咪睇到,所以有次媽咪同我講:「等咁耐冇機會,唔好再等喇!」 _《蘋果日報》圖片 《伙頭智多星》女主角選拔,只得第三名卻最快彈出。奪冠軍的是有線前女主播梁嘉琪,因合約問題沒簽約,亞軍係來自北京電影學院的陳奕池,簽了寰宇卻未見影。 _《蘋果日報》圖片 三點式初登場,令江若琳本處女寫真成為書展大贏家,「開頭媽咪以為影泳衣係一件頭,不過好彩見到後都冇鬧。」一件頭?auntie好鍾意睇奧運喎。 好彩呢個時候,公司就安排我出碟。 真係好多機緣巧合呀呵,哈哈! 初初出碟都遇到好多挫折,同事同我一齊去派台,見到森美、小儀我就走埋去自我介紹:「我係江若琳,希望你可以播我隻歌。」佢反應都係反問番我係邊個?邊間唱片公司?新公司喎…… 等兩年,好辛苦先有機會,所以,我唔會畀自己去hea我工作。 未初戀 _以前鍾意靚仔高大威猛,不過靚仔冇本心,我係一個好需要安全感人。 電視播緊《14歲的媽媽》,江若琳卻說中四才第一次去唱K,19歲人仲未拍過拖。純情有出路,真? 屋企真係管得好嚴,讀中三都仲唔準出夜街,禮拜六日全日都要留屋企,又唔可以講電話,仲日日都要補習一至兩個鐘,係到中四年先第一次去唱卡拉ok,好老套,都唔係夜晚去,係放學friend帶我去。嘩!原來卡拉ok咁好玩!媽咪口中卡拉ok係好雜地方。 可能我讀女校(真光中學)啦,我學校又唔興有男仔等放學呀,搞校際活動呢,所以都唔會識到男仔,係中二暗戀過隔籬屋個男仔一陣,陣見到佢帶女朋友返屋企,我都有失戀感覺。 到17歲簽公司陣,公司管得我更嚴,唔畀拍拖,呀,係勸我唔好拍拖。 以前鍾意靚仔高大威猛,不過靚仔冇本心,我係一個好需要安全感人,我諗我唔會揀呢一行人做男朋友,始終呢一行太多姿多采。 … Continue reading

Uncategorized

cover face Why worry? 陳慧琳

From Evernote: cover face Why worry? 陳慧琳 Clipped from: http://hi.baidu.com/xiaoyujimes/item/9bd16a4ec1f9d116896d100e cover face Why worry? 陳慧琳 me! 066 Kelly Chen 黑色流蘇背心裙 圓形吊墜頸鏈 Bothstylist’sown 哥哥Leslie於《東邪西毒》有句對白:「人之所以有煩惱只因記性太好。」 Kelly陳慧琳在新片《江山美人》中演落難公主,現實中你可能話佢一世行運何曾落難過,但她形容自己只係一直想法積極,而且善忘,有幾唔開心,完全毋需要一個深呼吸,都可以完全煙消雲散。 傷心的理由可能有一千幾百萬個,但開心的理由,就得呢一個。 入行十三年贏盡所有女歌手獎項,拍檔男星如張學友、郭富城、金城武、劉德華、竹野內豐、梁朝偉、黎明,全部有今生冇來世個個大牌,陳慧琳同學如選擇2007年畢業成婚,這張成績表亦絕對亮麗幾近經典。 不過處女座的陳同學選擇迎風再戰更上層樓,手腫腳痛拍打戲,先後五次墮馬都死忍繼續,持續奮鬥不斷進步,引證一份香港精神。 張學友郭富城金城武劉德華梁朝偉黎明,不一定都生於香港,但同樣有打不死香港精神,香港有佢,why worry? Profile Kelly Chen陳慧琳 出生日期:9月13日(處女座) 出生地:香港 身高:5呎8吋 體重:112磅 語言:廣東話、普通話、日語及英語。 入行:15歲往日本神戶升讀國際學校,畢業後到紐約ParsonsSchoolofDesign修讀平面設計。94年暑假回港,到廣告公司找設計工作時被發掘拍廣告,之後為豐銀行拍攝的廣告令全城驚艷,參與張學友於美國拍攝的音樂特輯《偷心》後入行。 95年演出首部電影《仙樂飄飄》及發行首張唱片《醉迷情人》,同年橫掃香港樂壇四大頒獎典禮新人獎。 主要作品:(電影)《天涯海角》(1996)、《冷靜與熱情之間》(2001)、《大事件》(2004)、《江山美人》(2008);(電視劇)日劇《鬼之棲家》;(唱片)《風花雪》(1996)、日語大碟《Grace》(2002)、《GraceandCharm+大長今》(2005)。 個人官方網頁:http://www.kellychen.hk/ 刻苦 去年對入行十多年的Kelly來說,是在港曝光最少的一年,當大家都以為她在秘密為日本的新工作籌劃之際,原來她是刻苦練……武。 「不用再為獎而唱歌,不用再花時間應酬,反而覺得很充實。 「2007年……就好似返到學生時代,完全集中學習方面,學棍擊、學騎馬。以前拍戲只係輕輕鬆鬆咁做,角色心理層次比較簡單,但今次唔同。我一早請導師教我演技,加上劇本入面呢個角色性格一早完成,成個成長過程清晰,實在有唔少啟發,希望觀眾能看到一個進步中陳慧琳。」 早屆適婚年齡的Kelly,每次出現都會被媒體追問婚期,反正早已宣告你是我的我是你的,結婚只是遲早問題。 「戲入面其中一個主旨係事業與愛情抉擇,要江山定係要美人,我當然希望兩樣都有,每個人都想做自己喜歡工作,但休息時又有人愛錫自己,這樣人生才圓滿。」 KellyChen 彩色油彩圖案背心裙$10,200 黑色漆皮腰帶$4,595 BothYSL 金色窩釘手 啡色金屬扣皮手帶 Bothstylist’sown KellyChen … Continue reading

Uncategorized

cover face 金城武

From Evernote: cover face 金城武 Clipped from: http://www.takeshikaneshiro.net/forum/viewthread.php?tid=3580&extra=&highlight=&page=2 cover face 金城武“我係住家男人” 2009年08月07日 愈是漂亮的人,愈不願意花時間討論自己的外表,許多時候,男人,更怕被人覺得是「花瓶」。 金城武自言不算姿整,平日只會潔膚洗面。對衣物,更是零要求。 「我很少買衫。因為工作的衣物有人準備,拍戲又有戲服。必買衣物? 大概只有去內地工作時需要的保暖內褲。」 他補充:「難得有機會逛街,寧願買電腦回家用。」 一直有傳聞,金城武較喜歡留在家中乖乖做「宅男」。今次,不打自招吧? 想不到他立刻劃清界線:「我是住家男人。」 兩者有乜分別呢? 從來唔覺得,電車男一定醜怪,但當然,唔及「住家男」咁惹人憧憬。 口中雖不說,骨子裡,原來仍是「貪靚」的。 Takeshi Kaneshiro金城武 出生日期: 1973年 10月 11日(天秤座) 出生地:台灣 身高: 5呎 10吋 體重: 150磅 血統:父為日本人,母為台灣人。 語言:普通話、廣東話、台語、日語及英語。 簡歷:高中時兼職拍廣告,被經理人葛福鴻力邀簽約。 92年推出首張唱片《分手的夜裡》。 93年與張曼玉、梅艷芳合演《現代豪俠傳》後走紅。 98年演出日本電視劇《上帝!給我多一點時間》後紅遍日本及東南亞。 主要作品:唱片《分手的夜裡》( 92);電視劇《二千年之戀》( 00);電影《重慶森林》( 94)、《如果•愛》( 05)、《赤壁》( 08)、《 K20:怪人二十面相》( 09);廣告代言人「 BIOTHERM HOMME」( 06-09)。 經理人公司網頁: http://www.fulongstars.com/takeshi/ 做個好演員 金城武不諱言靠「樣子」走紅,唱歌、演戲的天份又不算特別高,「我一直覺得自己好幸運,沒有付出很大努力就有今天的成就。」絕對是心底話。 … Continue reading

Uncategorized

cover face 女奇 Amanda S

From Evernote: cover face 女奇 Amanda S Clipped from: http://hi.baidu.com/xiaoyujimes/item/d8847203d6fe6627a0312d35 水瓶座女人,天生性格矛盾。 周身刀未必張張利,但冇所謂,事關作為訪問對象,話題夠多已經還得神落。 正如AmandaS.,講扮靚,指定動作;講運動,游水、足球、滑雪、馬術瓣瓣皆精;她是公認的美女廚神,個人經歷更似劇本,因為性格反叛,15歲被阿爸放逐美國;長大後瞞住屋企做model,又順風順水大紅大紫……不過28歲人,經歷已經成匹布咁長,難怪她自言:「我唔介意寫自傳。」 睇,Amanda原本已經長過水蛇春的profile,不久將來又要update多一瓣——做才女,而她的自傳,書名大可單字一個「奇」,已夠照。 灰色絲質雪紡荷葉領連身裙$23,400StellaMcCartney SuperStyle鑲白鑽圓形吊墜$188,000 18K白金頸鏈$8,000bothGarrard 肉色緄邊吊帶背心$1,400 白色羊毛外套$4,400bothVPLfromLaneCrawford 卡其色針織半開胸上衣(未定價) 白色印彩間絲質短褲(未定價) BothLouisVuittonCruiseCollection Crown皇冠形鑽石吊墜白金頸鏈$19,800 Crown皇冠形鑽石白金手鏈$113,800 BothGarrard Profile AmandaStrang 出生日期:1980年1月21日(水瓶座) 出生地:法國 身高:5呎6吋 體重:105磅 三圍:33、24、34 血統:父為法國人、母為台灣人。 語言:法語、英語、普通話及廣東話。 簡歷:6歲時父母離異,隨父親到台灣、英國及印度等地居住,後到波士頓讀大學。18歲回台灣學國語,並開始當模特兒。00年到香港碰運氣,後接到不少廣告工作,遂正式簽約模特兒公司及停學。 主要作品:(電視)《蔡瀾歎名菜》(2008);(廣告)DeBeers(2002);(電影)《絕色神偷》(2000)、《願望樹》(2001);(MV)郭富城《守護你》(2000)。 模特兒公司網頁:http://www.starzpeople.com 個人網頁:http://stz.cc/amandas 獨立 AmandaS.自細有個富爸爸,所謂「富」,係十幾個傭人服侍那種,合該做其「嬌滴滴」公主。誰知天生男仔頭,老爸覺得她反叛,索性將之「放逐」到美國留學。 錯有錯,造就Amanda獨立個性。「當時美國波士頓寄宿,一日三餐只係食即食麵,搞到暴肥至180磅。為結束地獄生活,於是發誓學煮,減肥。」 修身後,18歲的Amanda亭亭玉立,以為大個女終於肯定性,但父親要她讀商科,她就偷偷兼職做model。「我唔鍾意做生意,瞞住爸爸去台灣學國語,開始做part-timemodel。後來爸爸嬲到對我經濟封鎖,我想自食其力,00年就到香港做全職model。」 白色通花tubedress$43,700StellaMcCartney Crown鑽石白金頸鏈$215,000Garrard 陰影 別人眼中,Amanda在港事業稱得上順風順水,但她反而覺得入行即與郭富城傳緋聞,影響了發展,事隔多年,她仍耿耿於懷。「我從來冇靠任何人上位,唔識點回應,搞到形象很負面。02至05年工作不多,直至06年,事業才有點起色。」經此一役,Amanda繼後的「緋聞男友」,5隻手指數完,而且仲要係「得啖笑」佔多。 除了爸爸,男友Christian是Amanda生命中最重要的男人,有甜蜜幸福生活支持,亦令她時刻保持容光煥發。「Christian好好,雖然我咁多年,但佢依然會講ILoveYou,又識我,例如我心情唔好,佢會叫我打佢發洩。我唔需要咁做,已經sweet晒。我反而會煮發洩。(會否計劃結婚?)唔會,兩個人一齊,開心就夠,除非有BB,否則唔會結婚。」 寶藍色單膊絲質晚裝長裙(未定價)Versace Wings鑽石白金圓形耳環$69,900Garrard 小籠包 Amanda唔使打男友發洩,皆因「煮食至係發洩。」其實所言非虛。Amanda自言10歲已經識得焗曲奇餅,中法意菜煮得不俗,焗蛋糕更是拿手。 所以逢上飲食節目,定必食得開心煮得投入。以為她懂得煮,對吃一定份外挑剔。「我食好隨便,要睇心情,一般新鮮食物已經OK,但今日收工想食小籠包,12個再加一碗麵就好。」 後記 冷眼旁觀,自細踢波但冇甲組腳,係Amanda身上首個奇蹟,然後,我再望她的24吋纖腰……。12個小籠包……Ohmy…… ME!look … Continue reading

Uncategorized

留言集 恨鐵不成鋼 樊少皇

From Evernote: 留言集 恨鐵不成鋼 樊少皇 Clipped from: http://blog.sina.com.cn/s/blog_65d68e970100ye6x.html 留言集 恨鐵不成鋼 樊少皇 一直以為樊少皇已經四十出頭,原來才三十七。 「我出道早嘛!」 父親樊梅生是邵氏武打演員,一直望子成龍。這裏說的「望子成龍」,是真的「希望兒子成為成龍」。 「爸爸一直想我做國際武打巨星!」 國際武打巨星,何其言重。不過,也不是天方夜譚。童星出身的樊少皇,十八歲便當上武打片男主角,樊爸爸的夢想,曾一度疑似實現。為了圓爸爸的夢,他多年來只選擇做「男主角」,其他一概拒之千里。 「有時配角都好搶,但一直唔識咁諗,錯失好多機會。」 堅持了半輩子,一天猛然醒覺,爸爸的話不一定對,成龍畢竟只有一個。 近年樊少皇復出香港影圈,放下的不止身段,還有執着。 「成日做啲古靈精怪角色,爸爸一定唔鍾意,但我認為自己無做錯!」 放下執着,原來另有一片天空。 恨鐵不成鋼,但其實鐵根本不想做鋼。 要做,都不是做成龍。 老皇個仔 記得早兩年看《葉問》,我心裏一度嘀咕:「怎麼少林武僧釋行宇要配上廣東話扮佛山仔武痴林,明明是香港仔的樊少皇卻要講普通話扮山東佬金山找?」 「我根本就係山東人,祖籍鄆城。」樊少皇糾正我。 「《水滸傳》裏面一百零八個好漢,七十幾個都係鄆城人。我哋性格豪邁,好講義氣。」 父親樊梅生早年游水來港,樊少皇雖在香港出生,仍深受父親的「豪邁」影響。 「爸爸鍾意幫人,黑白兩道都認識。佢哋尊稱爸爸做『老皇』,老皇帝咁解。我係老皇個仔,自然叫少皇。」 兩、三歲,少皇便跟着「老皇」游走片場。他長相精靈,大明星如姜大衛、鄭佩佩、關德興都爭住抱他。上了小學索性入行做童星,通常飾演爾冬陞、程小東的童年。 「經常詐病請假,請到老師都懷疑:『呀樊少皇,係咪你父母迫你拍戲賺錢?』父母無迫我,其實係自己貪玩,細路仔點會鍾意讀書?」 爸爸是演員,做兒子難免有點優越感。少不更事的樊少皇,最聽爸爸話。 「直頭當爸爸係偶像,佢講乜都覺得啱。爸爸對我期望好大,不單止想我行佢條路,仲想我行佢未完成嗰條路——即係做國際武打巨星。」 樊梅生曾與李小龍合作,希望兒子也能成為李小龍。即使做不到李小龍,至少要做成龍或李連杰。 「所以我從來唔識足球、籃球呢類群體運動,課餘時間通常用來練功。」 新版《倩女幽魂》做古天樂同門師兄,由朝打到晚。 《力王》屬三級片,上畫時票房慘淡,出碟後才為人追捧。 演了兩集《葉問》,金山找令樊少皇再受注目。 樊少皇的虛竹比黃日華的虛竹更青澀。「我都希望有日好似黃日華咁,做埋喬峰。」 《大內密探靈靈狗》扮太監,真係估佢唔到。 不如留低 十五歲那年,樊少皇跟父親回到鄉下徐州,那兒離鄆城很近,是自古兵家必爭之地。徐州習武成風,到處都是武術學校。 「見到阿叔、堂哥、表姐個個武功了得,好羨慕。爸爸就話:『不如你都留低啦!』我唔知死,大大聲話:『好呀!』就咁留咗喺徐州。同學以為我去咗少林寺,辛苦程度其實差唔多。」 他當插班生,衣食住行都不慣。 「冬天零下十度,落住鵝毛大雪都要練功;夏天熱到嘔,唔係講笑,真係嘔,應該係中暑。最慘係言語不通,唯一娛樂,係叫香港同學寄譚詠麟同張國榮啲卡式帶上嚟。」 雖然思鄉,但他服從性強,不敢跟爸爸說要回港。 「當時好單純,只係一心學成之後返香港做武打明星,做爸爸期望嘅乖仔。」 三年後樊少皇學成回港,他在徐州的師兄弟,個個會唱譚詠麟張國榮。 「唔使讀書梗係覺得過癮,但其實唔啱,細路仔點可以有書唔讀掛住發明星夢?」 男主角 樊爸爸送兒子回國習武,一心為他鋪路,樊少皇也不負所望。十七歲回港,避過成長的尷尬期,導演看見小童星已脫胎換骨,個個爭着用。唐季禮開《魔域飛龍》,就叫他去印尼;從印尼回來,一落機便到嘉禾簽了《力王》,正式做男主角。 「《力王》係香港第一部非色情嘅暴力片,早幾年有美國片商同我講,華語 cult片之中,《力王》至今依然排第一。我唔係特別好演技,只係儍人有儍福。」 十八歲當上男主角,成名太早,有時並非好事。 「覺得自己好勁,加上爸爸認為唔係男主角嘅戲唔應該接,久而久之,邊有咁多戲做?」樊少皇慨嘆。 樊少皇依然很聽爸爸的話,電影不景氣,就撈電視。《天龍八部》的虛竹,好醜是三分之一男主角,爸爸便沒異議。 … Continue reading

Uncategorized

留星語 – 關於梁志健…… 森美

From Evernote: 留星語 – 關於梁志健…… 森美 Clipped from: http://eastweek.my-magazine.me/index.php?aid=24079 因為「處男下海」的劇集《法網追擊》,森美最近人氣急升,成為了很多周刊的封面對象:這本說他「首談家事狂哭」;那本「有圖有真相」大摷他的instagram,指他有戀足癖;再來,是指他患了抑鬱「借戀足減壓」。 「入屋」程度強如此,森美說,這些都並非他曾期望過的結果。「人氣急升?唔覺。我拍完呢套劇,個結果一啲都唔重要。」 那麼,可有為被指戀足和抑鬱而感到氣憤嗎?「車,我爛命一條!」他一副嘴藐藐的表情說。「做咗娛樂圈咁多年都會知係乜嘢一回事,上天畀我有人認識,負責搞笑、o氹人開心,我係個entertainer,又唔係小生,又唔係學者,咁我要靠呢啲嘢搵錢、賴以維生,咁我咪要entertain人哋囉。」 搞笑、幽默、轉數快、嘴gel gel、經常蝦小儀,無可否認,這些都是我們多年來從電台、電視、電影或平面媒體所認識到的森美,然而,森美不過是他的藝名,現實中的他,叫梁志健—即是以下森美口中所說的「我」和「自己」。 只要唔係作新聞,我就唔太嬲o架啦!話我「戀足」,幾得意呀!哈哈哈!本雜誌嘅人都有幻想力、都勤力嘅,我個instagram入面都成千張相,裏面都唔多過六七張(女人)腳相,佢哋仲要搵咗啲唔係我影嘅都登埋出嚟!好似苟姑娘(苟芸慧),我只係影過佢嘅樣,咁佢哋連唔係苟姑娘嘅腳都話係佢,我咪要同苟姑娘講聲囉,我唔想佢以為我影咗佢嘅腳連佢都唔知。但陳敏之呢,佢就一定知嘅,佢好鍾意影相,影完仲要我send番畀佢嘅。 在《法網狙擊》中,一場「全裸」出浴戲,惹來網民熱話,森美即時人氣急升。 呢件事,我比較驚會影響我屋企。當我阿媽見到佢啲親朋戚友嘅時候,我阿媽會唔會因為呢個報道唔開心同尷尬呢?又譬如我阿爸,佢成日同人講:「我個仔好似我o架!」咁佢啲同事又會唔會因為佢個仔好似佢,都以為佢會鍾意腳呢?哈哈哈!仲有小朋友(他的兩個仔女)呢,如果佢啲同學笑佢,佢哋又識唔識得去對待呢?如果啲同學仔真係用新聞講嘅嘢嚟話佢哋,咁佢哋會唔開心架喎。 至於我太太,都係冇嬲嘅,不過佢都有話我:「你又係衰嘅,做乜影人啲腳啫?」事實上我係有影過嘛,覺得靚咪影囉,都唔係因為sex去影,不過出到嚟並唔係自己腦裏面諗嗰樣嘢啫,咁以後我咪避忌吓囉。 他的instagram除了有女足相,亦有多張女藝人大特寫,連小儀也是被攝對象。 因為instagram中的女足照片,森美被指為戀足癖,及後更有說患有抑鬱的他要以此癖減壓。「我同陳敏之拍劇時等埋位、冇嘢做,大家咪玩吓影相囉!其實我個instagram數埋都冇十幅腳相!」 我喺商台做咗差唔多十五年,六、七年前開始,我個人開始好唔開心,對所有嘢都好灰。 主要原因,係因為我覺得自己係個資深嘅DJ,我希望我嘅節目可以做得好啲、再做得好啲、再做得好啲,迫、迫、迫、迫,惡性循環,最後我啲嘢做得仲差咗,有時甚至覺得有愧於同事,慢慢就少咗同佢哋聯絡、接觸,只要唔係開咪,我就會唔出聲,鼓埋泡腮,好似嬲咗成村人咁,仲愈嚟愈怕見人,愈嚟愈唔識同人溝通,所以,嗰陣嘅我,絕對係「森美社交有問題」! 三年前左右,我知道自己咁樣好有問題,有朋友就介紹我睇醫生,醫生話我係depress,即係抑鬱,仲係家族遺傳,要開藥畀我食。我好記得,食第一粒藥時,我同朋友喺coffee shop飲緊茶,突然間:「蓬!」我feel到個腦上面好似有嚿雲開咗咁!開心番晒!就好似傷風食完藥,個鼻當堂通番晒一樣!我當時真係有番開心嘅感覺喺度! 頭兩年,我除咗要定期覆診之外,醫生仲要我做一個行為治療,每日喺本簿仔度,寫低自己開心嘅嘢。開頭我發覺我寫唔到,好驚!醫生叫我夾硬寫,結果,我真係夾硬寫落去,又畫埋公仔,咁樣夾硬寫吓畫吓,兩、三個星期之後,我真係開始發覺自己生活上有好多好細微嘅嘢,都會令到自己好開心。 一年前開始,我呢個病開始慢慢好番,唔使點樣再覆診,只係覺得有需要時,先食番藥,而且,有過呢個病,我發覺快樂比乜嘢都重要! 我有抑鬱,我太太(Veronica)對我冇乜嘢喎。可能因為佢本身係個好獨立嘅人,有任何事,佢都好take it easy,所以對佢嚟講,我只係唔出聲、成日鼓起泡腮啫,最多咪唔理我囉,影響唔係好大。 反而,因為我咁而受最多苦嗰個係小儀!佢係我屋企人以外,最親嗰個,日日都見到我,所以佢都用咗好多時間去忍受我o架!嗰陣好多時,我哋開咪嘅時候就好開心,一閂咪,我就會坐埋一邊,粒聲唔出,對任何嘢、任何話題都冇興趣!每三個月就轉自己一輪節目,成日打畀佢churk住佢,叫佢畀心機啲、努力啲,又成日捉住佢開會、度節目、諗個節目做成點,佢都曾經忍唔住同我講:「我冇拖拍,都係因為你!」 與小儀合作逾十年,森美感激她在自己患有抑鬱那幾年,一直包容。 佢始終同我太太唔同,我有責任照顧我太太,佢要乜,我畀佢,好簡單;但小儀只係同我一齊工作,我唔需要照顧佢,所以佢真係比我太太仲慘! 後尾過咗幾年之後,我知道自己嘅問題,都有同小儀傾番,我都知佢嗰幾年真係好辛苦!不過好在,我同佢嘅性格,同喺螢幕度見到嘅我哋係啱啱調轉,佢本身個人比較樂天,天跌落嚟當被冚,又硬頸,有乜嘢唔妥就大鳴大放,唔會諗好多嘢,好放得開! 其實我依家嘅人生,真係幾開心o架!我除咗可以選擇做我鍾意嘅工作,仲有兩個好得意嘅小朋友,佢哋今年一個九歲(大仔)、一個六歲幾(細囡),讀四年級同一年級,都幾精叻,讀書幾OK。 始終佢哋大部分時間都係媽咪湊,所以兩個都唔黐我,不過都有睇過我嘅電影同電視,仲會識問我:「你喺電視度返工架?」、「你返工係咪返電視呀?」我都會乘機同佢哋講:「你爸爸嘅工作,係個搞笑角色,所以你喺學校做任何嘢,人哋都會覺得你係頑皮,所以你要比其他小朋友乖多啲啲。」其實佢哋好多同學仔都知,我係佢哋嘅爸爸,不過佢哋間學校(聖保羅男女中學附屬小學)都幾多名人仔女讀,所以老師同同學都慣晒,會比較容易接受。 我係個典型嘅阿爸,會錫個囡多啲,細路女,好可愛得意嘛!未有我個囡之前,呢個世界冇其他女人可以代替我太太;但當我個囡出世之後,呢個世界冇女人可以代替我個囡!哈哈!有時我夜晚上網睇電視,喺梳化度瞓着咗,我個囡朝早起身就會第一時間走嚟啜我,錫我一啖!好sweet! 森美的一對仔女(箭嘴),分別九歲和六歲,日常都是由他的太太(紅圈)照顧。 阿仔呢,我好記得佢三歲時,有次同佢去旅行行街,佢見到條迪士尼公主裙,就猛同我哋講:「呢件princess裙嚟o架!媽咪係princess,我要買畀你!」嗰吓我覺得個仔好生性,好感動,直情喊咗出嚟!到近年有個夏天,我見到佢游水唔使用水泡,仲可以游自由式游到一個直塘,真係覺得佢大個,我都眼濕濕o架! 其實我以前對佢會比較嚴厲,佢一做錯就會打佢籮pat,不過我依家都開始學緊畀多啲關心同關愛佢——雖然我覺得自己唔算係一個好爸爸,唔係好識向身邊嘅人表達出我嘅愛。 工作以外,森美也是個住家男人,閒時亦會親自接送仔女返學、放學。 跟森美面對面做訪問的一個小時內,他在說話滔滔不絕的同時,眼球也幾乎沒有停頓過四周張望,跟我四目交投的時間,我想應該不夠五分鐘。 他患有專注力失調,是個自小已有的病症,是他被確診有抑鬱時同時被發現的,沒得根治,只能服藥幫助調節。「我以前讀大學,上堂三個鐘,我坐喺度個幾鐘已經想走!但寫嘢呢,我可以連續坐喺度三、四個鐘都冇問題!專注力失調係咁o架,鍾意嘅嘢,會超專注,我依家有時想集中啲,都會早晚食藥。」 這種病患,通常都是IQ高,而他,則是十分高,有150!以IQ準則來說,屬於天才級! 「IQ高,最唔好係冇耐性,任何人講嘢唔夠三句,我已經唔想聽,所以你話我同小儀做節目,係咪大鑊先?佢IQ低、EQ又低嘅!哈哈哈!不過咁個節目先會好聽,如果我鬧完佢,佢只係一句:『哦!』咁就好悶o架嘛!係咪先?哈哈哈!」 我作為旁觀者,點樣計,大鑊嗰個,都應該係小儀,哈哈。 Continue reading