花旦 / 女演員 / 演員

豪語錄 : WHY SO SERIOUS? 鍾嘉欣

訪 問 前 一 晚 , 高 清 翡 翠 台 重 播 《 東 張 西 望 》 , 鍾 嘉 欣 與 林 峯 齊 齊 著 黃 色 上 衣 宣 傳 《 家 好 月 圓 》 主 持 人 問 林 峯 : 「 情 侶 裝 喎 ! 」 林 峯 托 一 托 墨 鏡 , 笑 笑 , 答 了 幾 句 講 完 等 於 沒 講 聽 過 沒 可 能 記 得 的 所 謂 回 應

鍾 嘉 欣 呢 ? 同 一 個 主 持 人 , 同 一 條 問 題 , 高 清 畫 面 下 , 這 位 冒 升 速 度 最 快 的 新 紮 花 旦 一 臉 凝 重 : 「 如 果 真 係 心 有 靈 犀 一 點 通 呀 , 就 唔 會 得 一 次 撞 中 啦 夾 定 ? 更 加 無 可 能 啦 … … 」 我 不 在 現 場 , 目 擊 不 到 餘 下 被 刪 剪 的 片 段 , 但 有 理 由 推 斷 , 接 下 來 的 是 這 樣 的 : 「 嗱 , 根 據 或 然 率 博 弈 理 論 , E 又 等 於 mc2 喎 , 我 同 林 峯 著 情 侶 裝 真 係 巧 合 咋 , 我 同 佢 唔 係 情 侶 呀 , 冤 枉 呀 大 老 爺 」 在 越 來 越 多 爛 gag 的 年 代 , 鍾 嘉 欣 的 認 真 , 顯 得 有 點 不 尋 常


「 , 係 咩 ? 你 真 係 覺 得 我 份 人 好 認 真 咩 ? 」 訪 問 到 尾 聲 , 鍾 嘉 欣 這 樣 問 在 一 個 忙 於 篤 魚 蛋 吞 燒 賣 灌 可 樂 和 等 候 乾 炒 牛 河 的 記 者 面 前 , 問 人 自 己 認 真 不 認 真 的 , 真 的 好 認 真

開 場 白

壹 : 跟 林 峯 是 最 相 熟 的 朋 友 嗎 ?
鍾 : 不 是 ( 斬 釘 截 鐵 地 )
壹 : 那 林 峯 是 否 追 求 你 ?
鍾 : ( 猶 疑 ) 嘩 … … 嗯 … … 這 條 問 題 , 好 難 答 ( 隔 了 五 秒 ) 唉 , 我 真 係 唔 識 答 。
換 了 是 第 二 個 聰 明 點 的 受 訪 者 , 大 概 出 門 前 已 預 備 好 model answer 總 之 介 乎 有 與 沒 有 , 係 又 唔 係 之 間 囉 , 擘 大 對 眼 講 大 話 也 沒 有 問 題 難 道 聽 到 廢 話 記 者 便 會 拎 把 斧 頭 出 來 周 圍 劈 嗎 ?
鍾 嘉 欣 就 是 沒 有 兜 口 兜 面 說 出 如 此 類 型 的 謊 言
如 果 咁 都 算 情 侶 裝 , 其 實 你 行 出 街 總 會 遇 到 老 婆 二 廠 、 三 奶 … …

參 選 華 裔 小 姐 後 , 一 個 人 留 在 香 港 「 過 年 過 節 , 想 到 一 家 人 在 溫 哥 華 吃 飯 , 是 這 幾 年 最 難 過 的 事

灰 姑 娘

如 果 鍾 嘉 欣 是 港 女 , 大 概 是 另 一 回 事
在 溫 哥 華 出 世 , 在 溫 哥 華 長 大 , 不 要 說 香 港 了 , 就 連 隔 籬 的 美 國 也 未 去 過 著 的 衫 , 不 是 黑 就 是 白 最 多 藍 , 不 懂 得 梳 頭 , 髮 型 永 遠 是 塌 成 一 塊 頭 頂 像 鋪 了 一 層 油 「 都 有 人 覺 得 我 靚 , 長 輩 囉 ; 朋 友 同 學 , 望 也 不 望 我 。 」
直 到 十 八 歲 , 中 學 畢 業 禮 , 習 慣 戴 上 粗 框 厚 鏡 片 的 , 終 於 覺 悟 前 非 , 換 上 隱 形 眼 鏡 , 買 了 靚 裙 , 搽 上 胭 脂 , 為 約 會 一 位 男 同 學 做 舞 伴 , 為 影 好 一 張 畢 業 照
踏 入 派 對 的 第 一 步 , 全 場 男 孩 呆 若 木 雞 。 像 爛 片 情 節 。
「 原 來 , 裝 扮 過 , 真 係 好 唔 同
如 果 她 在 銅 鑼 灣 居 住 , 八 歲 , 應 該 就 有 這 種 自 覺 了

美 少 女

鍾 嘉 欣 考 入 UBC ( University of British Columbia , 英 屬 哥 倫 比 亞 大 學 ) , 本 計 劃 修 個 教 育 學 位 , 當 個 教 師 某 日 , 跟 大 自 己 兩 年 的 姊 姊 逛 街 , 去 到 一 個 新 商 場 。 新 商 場 正 舉 辦 美 少 女 選 美 活 動 「 我 怕 醜 , 不 敢 參 加 , 但 兩 日 後 , 收 到 通 知 叫 我 面 試 。 家 姐 替 我 遞 了 報 名 表 格
如 意 算 盤 是 商 場 新 規 模 細 , 參 加 了 也 不 會 有 人 注 目 現 實 是 所 謂 的 美 少 女 選 舉 , 歡 迎 十 二 歲 至 四 十 來 歲 人 士 參 與 , 玩 足 幾 個 星 期 , 又 要 做 汽 車 模 特 兒 , 又 要 歌 唱 表 演 , 又 要 做 義 工 探 訪 老 人 院 , 同 現 場 觀 眾 玩 遊 戲 , 仲 要 上 埋 電 視 不 似 選 美 , 似 中 了 計 做 了 廉 價 勞 工 。
結 果 , 鍾 嘉 欣 贏 了 「 人 人 以 為 我 唔 掂 , 我 卻 做 到 。 人 生 第 一 次 感 受 到 這 種 滿 足 感
大 熱 門
商 場 員 工 食 得 唔 好 o徙 , 猛 落 嘴 頭 游 說 鍾 嘉 欣 參 加 埋 溫 哥 華 小 姐 第 一 年 , 還 能 夠 堅 守 學 業 , 繼 續 做 她 的 乖 學 生 ; 第 二 年 , 心 軟 , 去 , 又 贏 , 立 即 被 安 排 過 香 港 選 華 裔 小 姐
華 裔 小 姐 的 最 大 賣 點 , 是 佳 麗 們 不 諳 中 文 搞 出 笑 話 鍾 嘉 欣 自 小 與 父 母 用 粵 語 溝 通 , 沒 有 這 方 面 的 長 處 , 一 直 被 睇 淡 「 那 一 屆 , 好 多 對 手 都 好 靚 , 有 曹 敏 莉 , 有 楊 秀 惠 , 大 熱 是 似 常 盤 貴 子 的 徐 自 賢 我 唔 識 擺 甫 士 , 無 人 影 , 一 早 打 定 輸 數
「 是 天 意 呀 ! 三 個 星 期 來 , 無 人 品 題 過 , 直 到 決 賽 前 一 日 , 見 評 判 , 陳 慧 琳 之 後 向 傳 媒 講 了 一 句 最 喜 歡 鍾 嘉 欣 , 我 便 立 即 被 推 出 去 變 成 熱 門
「 直 到 今 日 , 我 的 際 遇 都 像 這 樣 , 一 切 被 安 排 好 , 根 本 不 由 我 左 右

友 誼 小 姐

又 確 係 順 風 順 水 得 令 人 很 妒 忌 四 年 前 還 以 為 將 軍 澳 得 墳 場 和 黑 社 會 , 今 日 已 坐 穩 將 軍 澳 電 視 城 準 一 姐 位 置 但 跟 紐 約 來 的 陳 法 拉 不 同 , 鍾 嘉 欣 出 入 仍 是 港 鐵 , 住 的 地 方 由 公 司 提 供 的 將 軍 澳 中 心 搬 到 自 己 揀 的 新 都 城 , 距 離 只 有 兩 個 車 站 , 仍 是 以 返 工 方 便 為 大 前 提 我 親 眼 目 睹 過 她 在 商 場 的 百 佳 捧 住 三 大 袋 食 品 行 行 行 行 返 屋 企 一 點 星 味 也 沒 有 。
「 我 也 想 將 最 好 的 一 面 放 出 來 只 是 工 作 太 多 人 太 累 , 就 顧 不 得 這 麼 多 。 也 有 人 提 醒 過 我 , 包 裝 一 下 啦 , 唔 好 俾 啲 低 胸 裝 搶 晒 鏡 啦 , 否 則 幾 紅 都 無 用 算 啦 , 包 裝 只 能 夠 提 供 短 暫 的 名 氣 , 換 了 你 是 監 製 , 你 會 揀 一 個 演 到 戲 的 , 還 是 一 個 只 可 以 著 到 衫 的 ? 」
我 會 揀 著 唔 到 衫 的
鍾 嘉 欣 還 記 得 , 參 選 華 裔 小 姐 時 , 贏 了 , 人 人 歡 呼 不 是 大 家 跟 她 交 情 特 別 深 , 只 是 跟 其 他 人 更 多 仇 口 , 自 己 輸 了 , 也 希 望 輸 給 一 個 看 上 去 沒 太 大 殺 傷 力 的
「 常 說 電 視 台 很 多 鬥 爭 , 今 日 , 我 跟 楊 思 琦 李 亞 男 還 做 到 交 心 的 好 朋 友 。 看 着 自 己 上 得 快 , 看 着 其 他 人 還 在 等 機 會 , 有 時 , 真 的 不 敢 呻 不 敢 投 訴
鍾 嘉 欣 說 , 她 不 是 扮 純 情 扮 善 良 , 但 你 要 老 屈 要 中 傷 要 睇 唔 順 眼 , 即 管 放 馬 過 來 「 我 不 喜 歡 爭 鬥 , 但 我 會 爭 取 。 」 鍾 嘉 欣 , 白 羊 座 , 急 性 子 , 定 了 目 標 例 必 爭 取 到 底 。 這 一 個 下 午 , 未 化 妝 前 , 鍾 嘉 欣 右 邊 臉 生 了 大 紅 印 , 「 我 心 急 , 未 成 熟 便 將 暗 瘡 大 大 力 壓 爛 了 … … 」

做 人 認 真 , 也 有 好 處
還 在 溫 哥 華 時 , 鍾 嘉 欣 視 另 一 位 溫 哥 華 小 姐 廖 碧 兒 為 目 標 , 來 到 香 港 , 第 一 齣 劇 集 正 正 是 接 棒 演 《 皆 大 歡 喜 》
前 一 陣 子 , 有 唱 片 公 司 到 無 綫 揀 蟀 , 眾 多 人 選 中 , 鍾 嘉 欣 脫 穎 而 出 原 因 是 : 「 我 試 音 時 好 認 真 , 好 投 入 , 令 人 覺 得 我 好 珍 惜 呢 次 機 會
出 唱 片 的 電 視 台 花 旦 ? 對 上 一 個 可 能 是 當 紅 時 的 陳 慧 珊 , 也 不 太 成 功 鍾 嘉 欣 卻 心 存 厚 望 , 既 要 繼 續 做 她 的 女 主 角 , 也 憧 憬 似 林 峯 般 成 為 樂 壇 新 人 王 , 甚 至 若 干 年 後 , 找 到 對 象 結 婚 生 仔 仍 然 兼 顧 到 事 業 目 標 , 由 廖 碧 兒 變 成 謝 安 琪
若 干 年 後 ? 若 干 年 後 , 有 人 可 能 收 到 幾 架 寶 馬 作 禮 物 , 有 人 可 能 出 了 小 說 開 了 畫 展 , 有 人 可 能 生 第 三 個 兒 子 英 文 名 叫 Johnny … …
我 , 應 該 還 在 這 裡 聽 着 錄 音 帶 數 着 今 個 月 又 唔 夠 錢 使 認 真 不 認 真 , 究 竟 有 什 麼 分 別 ?

 

撰 文 : 方 俊 傑
攝 影 : 譚 旭 堯
插 圖 : 詹 震 寰
協 力 : 黃 健 華 林 國 平
髮 型 : Ben Lam@IL Colpo
化 妝 : Synni Tam@Private i
mailto:nextb@nextmedia.com

Clipped from: http://bbs.ent.163.com/bbs/tvb/89844798.html

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s