綠葉 / 女演員 / 演員

留言集 阿二靚湯 郭少芸

留言集 : 阿二靚湯 郭少芸

開 版 這 輯 相 的 構 思 , 並 非 因 為 《 美 女 廚 房 》 收 得 。
剪 了 一 頭 極 短 頭 髮 , 更 加 予 人 tough ( 硬 朗 ) 感 覺 的 郭 少 芸 , 沒 有 笑 容 , 瞪 着 雙 眼 問 : 「 可 唔 可 以 話 我 聽 , 你 們 影 這 輯 相 的 構 思 是 甚 麼 ? 」
我 忙 不 迭 地 答 : 「 啊 , 我 們 的 主 題 是 『 阿 二 靚 湯 』 , 指 你 雖 然 是 配 角 , 卻 是 一 煲 真 材 實 料 的 靚 湯 。 」


語 音 未 落 , 全 人 類 立 即 死 寂 , 阿 二 、 配 角 , 不 就 等 於 女 藝 人 的 「 死 穴 」 !
雖 然 只 是 極 短 的 一 瞬 , 我 肯 定 , 郭 少 芸 面 色 是 沉 了 一 沉 , 然 後 似 是 自 說 自 話 : 「 靚 湯 可 以 , 阿 二 就 唔 好 嘞 ! 」 跟 着 , 她 深 呼 吸 一 口 氣 , 拍 一 拍 手 : 「 好 , 開 工 ! 」 郭 少 芸 帶 頭 埋 位 , 全 人 類 才 被 解 穴 , 各 就 各 位 。

不 過 , 可 能 這 碗 「 阿 二 靚 湯 」 實 在 太 燙 喉 , 郭 少 芸 一 邊 影 相 , 一 邊 投 訴 : 「 我 覺 得 這 個 甫 士 好 唔 自 然 , 好 唔 舒 服 喎 , 我 交 唔 到 戲 俾 你 呀 ! 」 勉 強 影 了 幾 張 相 後 , 她 終 於 提 出 暫 停 , 坐 埋 一 邊 , 沉 思 了 一 會 。
十 分 鐘 後 , 她 再 次 埋 位 , 攝 影 師 也 醒 目 地 換 了 一 個 角 度 拍 攝 , 終 於 , 一 切 順 利 。
的 確 , 有 些 事 , 無 論 怎 樣 千 真 萬 確 , 也 不 宜 在 當 事 人 面 前 當 眾 宣 之 於 口 。 不 過 , 他 們 自 己 親 口 講 又 是 另 一 回 事 。
兩 小 時 後 , 訪 問 到 尾 聲 , 熱 湯 攤 涼 了 , 可 以 飲 落 口 , 郭 少 芸 講 到 爆 騷 一 事 時 , 得 戚 地 說 : 「 如 果 唔 係 做 二 線 , 點 會 有 機 會 一 劇 接 一 劇 , 爆 騷 搲 真 銀 咁 和 味 ! 」
咪 就 係 囉 , 做 阿 二 有 甚 麼 不 好 ? 前 面 有 一 個 向 上 爬 嘅 目 標 , 後 面 又 有 一 大 班 人 墊 底 。 煲 的 湯 只 要 是 真 材 實 料 , 自 然 大 把 人 爭 住 飲 。

精 神 分 裂

問 郭 少 芸 , 「 你 會 否 精 神 分 裂 ? 」 她 驚 訝 地 說 , 「 咁 蹺 , 我 家 姐 早 前 才 問 過 我 這 個 問 題 ! 」 當 然 我 和 郭 少 芸 家 姐 , 都 不 是 無 的 放 矢 。 大 家 都 知 , 郭 少 芸 現 在 有 兩 個 身 份 , 一 是 電 視 藝 員 , 另 一 是 餐 廳 老 闆 娘 。
做 藝 員 , 尤 其 二 三 线 , 聽 導 演 吩 咐 去 做 便 OK 。 走 上 街 , 也 想 有 人 認 出 , 以 示 人 氣 。 做 餐 廳 老 闆 娘 就 截 然 不 同 , 事 無 大 小 都 要 話 事 做 決 定 , 以 自 己 人 氣 作 招 徠 是 一 回 事 , 但 落 手 落 腳 捧 餐 時 , 被 客 人 認 出 , 就 好 容 易 引 起 尷 尬 。
郭 少 芸 自 己 舉 了 一 個 好 例 子 。 有 一 次 , 餐 廳 最 繁 忙 的 時 候 , 電 腦 壞 了 , 有 幾 枱 客 人 的 單 漏 了 , 但 郭 少 芸 察 覺 不 到 。 到 她 捧 餐 去 B 枱 時 , A 枱 一 位 行 政 look 的 中 年 女 士 , 很 不 客 氣 地 問 : 「 點 解 我 落 柯 打 先 , 咁 耐 都 未 有 ( 食 物 ) , 反 而 他 ( B 枱 食 客 ) 遲 來 先 上 岸 ? 」
郭 少 芸 立 即 說 對 不 起 , 查 出 原 因 後 , 向 該 女 士 說 明 原 委 , 再 三 道 歉 , 但 該 女 士 仍 惡 言 相 向 : 「 你 們 是 甚 麼 服 務 態 度 , 東 西 又 難 食 … … 」 該 女 士 足 足 罵 了 五 分 鐘 , 最 後 丟 下 一 句 「 我 唔 食 嘞 ! 」 就 攞 袋 走 人 。

以 藝 人 這 個 身 份 做 侍 應 , 多 少 總 會 有 招 徠 作 用 吧 ? 郭 少 芸 不 以 為 然 。 「 我 又 不 是 甚 麼 超 級 大 明 星 , 反 而 有 些 顧 客 一 認 出 我 , 立 即 慌 慌 張 張 , 擔 心 是 那 些 偷 拍 節 目 , 俾 我 整 蠱 ! 」

郭 少 芸 略 勞 氣 地 說 : 「 我 承 認 有 錯 , 但 她 有 沒 有 必 要 如 此 大 動 肝 火 ? 」 以 為 事 情 了 結 , 誰 不 知 該 女 士 行 了 不 夠 十 步 , 竟 然 返 轉 頭 追 着 郭 少 芸 再 罵 : 「 你 間 舖 , 根 本 未 夠 班 在 這 里 ( 朗 豪 坊 ) 開 , 你 識 唔 識 做 餐 廳 ? 」 今 次 , 明 顯 是 對 人 不 對 事 了 , 但 郭 少 芸 仍 要 強 忍 , 被 她 再 罵 多 分 幾 鐘 , 該 位 女 士 才 收 口 真 正 離 去 。
「 沒 辦 法 , 我 要 在 下 屬 面 前 做 好 榜 樣 , 顧 客 永 遠 是 對 的 。 」
又 一 次 , 巴 士 阿 叔 陳 乙 東 來 踩 場 , 郭 少 芸 一 見 到 他 , 便 避 之 則 吉 。 點 解 ? 「 嘩 , 他 去 『 扒 王 之 王 』 返 工 , 搞 到 人 家 老 闆 娘 ( 林 珍 奇 ) 自 殺 入 院 , 我 怕 佢 見 到 我 , 會 要 求 來 這 里 做 。 」
不 過 , 郭 少 芸 要 躲 也 躲 不 過 , 陳 乙 東 好 快 便 認 出 她 , 主 動 上 前 打 招 呼 , 並 遞 上 名 片 , 郭 少 芸 嘻 嘻 笑 地 說 : 「 他 的 卡 片 上 沒 有 真 名 , 只 得 『 巴 士 阿 叔 』 四 個 字 咋 ! 」 笑 還 笑 , 郭 少 芸 當 日 雖 然 耍 太 極 成 功 , 但 仍 然 擔 心 他 會 再 上 門 「 痴 纏 」 。
以 上 這 些 麻 煩 , 顯 然 是 因 為 郭 少 芸 硬 要 拋 頭 露 面 所 至 , 如 果 她 乖 乖 退 居 幕 後 , 或 者 只 坐 穩 收 銀 機 旁 邊 , 也 可 減 少 不 少 麻 煩 。
「 我 一 定 要 親 身 經 歷 , 落 手 落 腳 了 解 運 作 , 才 可 好 好 管 理 班 員 工 。 我 不 可 只 從 老 闆 的 角 度 出 發 , 也 要 以 員 工 的 角 度 , 甚 至 顧 客 的 身 份 , 立 體 地 理 解 整 個 餐 廳 的 運 作 軌 跡 。 」

多 謝 沙 士

然 而 , 郭 少 芸 總 叫 「 有 頭 有 面 」 , 做 餐 廳 老 闆 娘 是 一 回 事 , 但 放 下 身 段 落 手 落 腳 捧 餐 , 總 需 要 很 大 勇 氣 吧 ?
「 這 方 面 , 我 要 多 謝 『 沙 士 』 , 那 段 期 間 , 飲 食 業 非 常 慘 淡 , 人 人 戴 口 罩 , 我 也 戴 住 口 罩 工 作 , 沒 有 人 認 出 我 , 如 此 這 般 , 之 後 就 適 應 了 。 」
兜 兜 轉 轉 一 大 輪 後 , 郭 少 芸 才 解 答 我 劈 頭 第 一 個 問 題 。
「 精 神 分 裂 , 當 然 唔 會 喇 。 其 實 , 我 一 有 劇 開 , 就 沒 時 間 去 兼 顧 餐 廳 , 好 似 下 個 月 我 開 新 劇 《 學 警 出 更 》 , 一 拍 便 三 個 月 , 所 以 趁 現 在 這 段 空 檔 , 專 注 在 餐 廳 方 面 。 」
或 者 , 大 家 和 我 一 樣 財 來 有 方 , 對 郭 少 芸 怎 樣 管 理 餐 廳 興 趣 不 大 , 反 而 更 加 關 心 她 投 資 的 資 金 是 從 何 而 來 ?
對 於 這 個 敏 感 問 題 , 郭 少 芸 好 像 被 人 看 扁 了 , 微 慍 地 答 : 「 拍 劇 賺 回 來 的 , 你 不 信 嗎 ? 」 她 解 釋 , 92 年 開 始 加 入 無 线 , 到 00 年 離 開 , 前 後 9 年 , 除 了 第 一 年 外 , 她 年 年 爆 騷 , 這 筆 「 真 銀 」 便 是 她 的 第 一 桶 金 。
她 又 說 : 「 其 實 我 不 算 有 錢 , 我 是 選 擇 性 消 費 。 買 車 , 我 捨 得 , 因 為 我 喜 歡 揸 車 。 投 資 餐 廳 , 是 幾 個 股 東 夾 份 , 我 投 資 的 , 亦 不 是 一 個 很 大 的 數 目 。 」 郭 少 芸 年 前 投 資 的 第 一 間 餐 廳 「 Matchone 」 , 蝕 了 十 多 萬 離 場 。 今 次 投 資 多 少 , 她 不 肯 正 面 回 應 , 只 知 約 略 是 6 位 數 字 。 跟 着 她 又 指 指 自 己 件 衫 說 已 經 着 咗 幾 多 年 , 拿 的 手 袋 又 挽 了 幾 多 年 … … , 力 證 自 己 不 算 富 有 。

兩 個 男 人

我 講 道 理 , 我 講 嘅 就 係 道 理 !

這 句 話 , 曾 經 是 郭 少 芸 在 感 情 上 的 大 女 人 宣 言 。 不 過 時 移 勢 易 , 現 在 郭 少 芸 只 想 找 到 一 個 可 以 照 顧 她 的 男 人 。 「 不 過 , 這 幾 年 都 沒 有 人 追 我 ! 」 說 時 絕 不 欷 歔 , 因 為 , 目 前 她 將 精 神 全 放 在 事 業 上 , 這 句 大 女 人 宣 言 , 也 轉 移 投 射 到 班 員 工 身 上 。 「 做 老 闆 就 要 有 這 樣 的 權 威 。 」

自 降 身 價

最 後 郭 少 芸 還 說 : 「 我 和 高 佬 ( 無 线 編 導 、 前 男 友 鍾 國 強 ) 夾 份 買 的 那 層 西 貢 村 屋 , 百 零 二 百 萬 , 還 在 供 款 , 如 果 我 有 錢 , 就 不 用 供 到 今 時 今 日 喇 ! 」
或 者 , 郭 少 芸 所 言 非 虛 , 她 是 大 富 大 貴 的 話 , 去 年 就 不 用 主 動 簽 回 無 线 。 00 年 , 她 以 自 己 形 容 為 相 差 「 十 蚊 」 的 數 目 , 談 不 攏 價 錢 , 不 與 無 线 續 約 。 去 年 , 她 就 主 動 減 薪 回 歸 。 「 當 年 是 自 己 要 走 , 現 在 又 是 自 己 要 返 去 , 減 薪 是 正 常 的 。 」 不 過 , 當 年 她 憑 《 大 鬧 廣 昌 隆 》 、 《 錦 繡 良 緣 》 等 收 視 超 爆 劇 集 , 有 機 會 攀 上 一 线 尾 位 置 , 現 在 返 回 無 线 , 《 火 舞 黃 沙 》 、 《 法 證 先 鋒 》 、 《 男 人 之 苦 》 , 無 論 角 色 有 幾 特 別 , 也 只 是 配 角 身 份 。
「 我 唔 介 意 喎 ! 同 樣 如 果 我 有 個 離 職 員 工 再 回 來 合 作 , 我 也 會 降 他 一 個 職 級 , 若 不 , 豈 非 『 冇 掩 雞 籠 』 個 個 話 走 就 走 ! 」 然 而 , 郭 少 芸 還 是 有 憧 憬 的 , 「 點 都 想 有 一 個 孭 重 飛 嘅 機 會 ! 」

買 樓 與 租 屋

不 少 人 的 印 象 中 , 郭 少 芸 很 「 花 弗 」 , 但 翻 查 資 料 , 她 入 行 14 年 , 王 賢 誌 、 林 家 棟 這 些 得 啖 笑 的 不 算 , 她 的 真 正 緋 聞 , 只 有 一 直 不 承 認 , 與 劉 少 君 的 「 不 倫 之 戀 」 , 及 另 一 段 親 口 承 認 , 與 無 线 編 導 鍾 國 強 「 高 佬 」 的 戀 情 。 不 過 , 認 又 好 , 不 認 又 好 , 兩 段 情 都 已 經 是 明 日 黃 花 。 她 與 高 佬 的 一 段 情 , 已 於 四 年 前 因 「 了 解 」 而 分 手 。
對 於 新 戀 情 , 郭 少 芸 一 臉 冇 所 謂 地 說 : 「 戀 情 ? 我 welcome , 但 不 會 刻 意 追 求 ! 」
或 者 , 可 以 用 郭 少 芸 對 住 屋 心 態 的 轉 變 , 窺 探 出 她 現 在 的 愛 情 觀 , 「 以 前 後 生 , 好 想 自 己 有 一 層 樓 , 安 定 地 住 下 來 ; 現 在 倒 喜 歡 租 屋 住 , 住 兩 年 , 喜 歡 就 續 租 , 唔 喜 歡 又 可 以 租 過 第 二 層 , 幾 好 ! 」 住 屋 如 是 , 對 感 情 的 心 態 , 也 許 亦 是 一 樣 。

學 會 珍 惜

下 個 月 就 35 歲 的 郭 少 芸 近 年 學 會 珍 惜 , 以 前 幾 十 萬 部 BMW 撞 到 total lost , 一 點 也 不 可 惜 , 現 在 , 改 揸 Mini Cooper , 強 迫 自 己 不 再 開 快 車 。 「 不 但 止 是 珍 惜 部 車 , 最 重 要 是 自 己 條 命 , 我 有 甚 麼 事 , 原 來 身 邊 會 有 很 多 人 難 過 的 。 」

《 大 鬧 廣 昌 隆 》 中 , 倀 雞 英 一 角 令 郭 少 芸 攀 上 一 线 尾 的 花 旦 位 置 , 「 那 次 ( 成 績 ) 是 一 次 意 外 , 大 家 都 沒 想 到 套 劇 會 這 麼 受 歡 迎 。 」

相 當 年

預 備 了 幾 張 郭 少 芸 92 年 參 選 港 姐 時 的 照 片 , 打 算 失 驚 無 神 給 她 來 一 個 「 不 堪 回 首 話 當 年 」 。 不 過 , 愈 諗 愈 覺 得 這 一 招 其 實 好 「 老 土 」 。 然 而 , 郭 少 芸 不 需 劇 本 , 已 自 自 然 然 交 足 戲 , 掩 面 、 驚 訝 、 不 堪 回 首 , 「 好 娘 呀 ! 」 、 「 點 會 着 泳 衣 襯 珠 耳 環 嘎 ! 」 、 「 咁 肥 嘅 ! 」 、 「 好 瘀 呀 ! 」 。
多 謝 合 作 ! 應 承 你 郭 少 芸 , 一 定 會 呼 朋 喚 友 幫 襯 「 Matchtoo 」 的 。

你 好 賤 !

郭 少 芸 的 口 頭 襌 。
攝 影 師 叫 她 拿 着 湯 殼 影 相 , 她 開 玩 笑 地 說 : 「 點 解 一 定 要 攞 住 個 殼 ? 你 好 賤 ! 」
我 拿 出 當 年 她 參 選 港 姐 的 「 娘 」 照 給 她 作 自 我 評 價 , 她 「 嘩 ! 」 一 聲 之 後 , 又 笑 着 大 叫 「 你 好 賤 ! 」
在 餐 廳 訪 問 完 畢 , 她 與 我 爭 着 埋 單 , 我 告 訴 她 可 以 開 公 數 , 她 又 陰 陰 嘴 笑 着 說 : 「 你 好 賤 ! 」
當 然 , 出 自 郭 少 芸 口 中 「 你 好 賤 ! 」 這 三 個 字 , 不 能 以 字 面 意 思 詮 譯 , 而 是 她 向 你 表 示 友 好 、 拉 近 距 離 、 搞 好 氣 氛 的 一 個 手 段 , 某 程 度 上 , 也 可 以 用 「 放 電 」 兩 字 來 形 容 。
「 放 電 」 是 一 種 藝 術 , Watt 數 少 , 唔 過 電 ; Watt 數 過 勁 , 會 電 死 人 。
只 想 回 敬 郭 少 芸 一 句 : 「 你 好 掂 ! 」

至 於 高 佬 , 郭 少 芸 仍 說 他 是 個 好 男 人 , 兩 人 至 今 仍 是 好 朋 友 。 兩 人 合 供 的 村 屋 , 也 留 給 他 住 。

對 於 與 劉 少 君 的 一 段 不 倫 戀 , 郭 少 芸 當 年 一 直 口 硬 否 認 , 今 次 再 提 起 , 她 依 然 沒 有 承 認 , 但 亦 不 再 否 認 , 只 說 : 「 這 件 事 , 令 我 媽 媽 好 傷 心 。 」

Clipped from: http://bbs.ent.163.com/bbs/tvb/201930.html

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s