男演員 / 綠葉 / 演員

面對面 李天翔的進化論

面對面 李天翔的進化論

face 052

放心!我第一時間問了,《銀樓金粉》個二撇雞舅少浸豬籠死唔去,避走法蘭西冇翻兜;而且,《原來愛上賊》上星期結局,《法政先鋒2》,冇姣佬;仲有,《賭場風雲》完,凌晨重播《全院滿座》,雖然懨悶,但冇佢份……
李天翔呢期只會出現在《娛樂直播》。

「其實,咁得咁橋。」係,大師都未必料到,轟炸程度勁過「08年全新打造鄧健泓」同「道地百果園Imissyou」。
《銀樓金粉》接《金石良緣》《原來愛上賊》接《古靈精探》,兩個月4套劇。最恐怖一日,下午3點05分見佢撓腳做主持,8點半佢就同四奶游完水就地正法,緊接9點半扮《盜海豪情》,10點半上《亮相》做嘉賓陳敏之的智囊團,再來12點3做太子爺趕阿初出賭場,凌晨1點半,《娛樂直播》,重播,撓腳如果我係日韓台遊客,咁得咁橋留在酒店等睇歐聯,我會以為李天翔係香港小栗旬、九龍李準基或新界汪東城。
「人話呢個係『李天翔風』嘛,但個風可能完就走,淨係掛一號風球一陣,所以,都係盡量平常心啦
31歲,「入行咁耐最值得自豪都係呢個時候,從來都冇諗過要快做主角。」直落甘草?「有人認同又搵到食有咩所謂,好似黎耀祥其實我望都係望咁樣!」
入行13年,還不來一輯彈起進化論?
從沒當過什麼五虎什麼S4的李天翔,自己有一套

《金石良緣》中張振榮,唔知點解咁鍾意強姦阿妹friend,所以李天翔話拍呢套劇都幾辛苦:「每逢拍呢場面,要事先就晒位溝通好,而且男仔仲更加大壓力,驚俾人話抽水呀

舅少真人其實好正經好正氣好正常,亦唔似會口花花撩女仔,仲有,唔會去沙灘打野戰,多數屋企煲碟

爆騷

幾個月前,同事寫有關《金石良緣》報道,那場強姦戲,主角是朱慧敏,同事問我:「知唔知呢條大茄叫咩名?」
「李天翔風」大概由《金石良緣》開始「出街有人鬧呀!有人問我點解咁衰呀,又搞個妹,又搞個妹朋友。」
之後兩個月劇接劇,而且戲分不少網上討論區開始出現有關李天翔留言,當中有人讚靚仔識做戲,同埋捧佢好過捧胡諾言云云。還有,Facebook出現一個李天翔group,有151個登記fans,其中一個留言:「乜TVB真係咁人手短缺?佢今年好有可能爆show呀!」
林峰鄭嘉穎,甚至王祖藍,當然不放151個fans在眼內,神奇地,李天翔也淡然:「多人識都開心,但我開心完就算,因為你唔會知之後會點家鬆番少少,都幾份報紙雜誌約我訪問,早兩個月仲忙,住咁開上年係我最忙一年,日日都要開工,試過一日得一個鐘。有咩感覺?收入都ok。係咯,我叫爆騷。」

呢個同馬蹄露激吻場面的確惹很大迴響,有人話感到不安要投訴其實,我覺得咁有意義場面,應該留番籌款。

早排深宵的《賭場風雲》都有份李天翔係藝名,真名……叫李志偉,「有次陪朋友去改名,順便改,信唔信?一半半啦。」仲有一個無聊問題,最近套套劇都有鬍鬚喎,「咁,全部鬚都係假,我留唔到鬚

爆騷滋味,其實一早嚐過,「做兒童節目、做《K-100》陣已經爆騷,因為日日都有不過開始拍劇就冇爆,上年開始又爆番。」
入行經過,中五會考等放榜,「做唔夠3個月和記電訊sales,就去見藝員訓練班純粹好奇咋。」之後放榜,「張成績單都唔知仲唔度,有幾分。」95年訓練班畢業,「陣入兒童組。個年紀,有工做就唔會諗咁多,我又好好彩唔使養家根本冇諗過做明星做主角,只係當有份工。」
兒童組,嘩!有希望呀!你睇周星馳鄭伊健……估唔到真的深感興奮,「開心!當你見到好多同學,做好幾年都係做閒角時候,你做一年唔夠就已經有主持做,仲唔開心?」
同屆同學有湯盈盈姚瑩瑩、蓋世寶,男仔呢?「盧慶輝」咩輝話?「你記唔記得《真情》面個立生?」這叫後來居上,還是達者為先?
等了13年,總要有點一朝得志野心勃勃才夠上進嘛?「真係咁,我諗連公司都唔知呢期套套劇都有我份每個人有唔同理想目標,只不過我唔想set一個目標畀自己,如果我唔set,到時我做到咪更加開心,呢咪bonus,如果set做唔到,自己唔開心,為咩呢?」

我唔鍾意夜蒲,個樣唔似呀呵?

煽情
言談間懨懨悶悶,有兩個可能,可能那藝人太保護自己,亦可能那藝人本身好悶,人生暫時未有起伏
無男演員都興有個歌星夢,你有冇呀?「冇,咁我入行係做演員嘛以前做兒童節目年年都錄幾首新年歌聖誕歌,入錄音室我又試過喇,知道係咩咪ok。」
看不出,在TVB捱足十幾年,又黑黑實實一副蒲格,竟然悶在骨子,佢自己都認,「我個人其實係幾悶
換個角度睇,又可以說成踏實,仲可以返璞歸真,「以前自己住西貢,04年中返大陸拍《覆雨翻雲》,3個幾月唔香港,咪索性搬返屋企住,家有時都會去內地拍劇,我屋企又冇人車,費時錢,車又賣埋喇阿媽一向係家庭主婦,阿爸又退休,哥哥又結婚搬走,屋企算小康之家,都唔使我點負擔。其實我幾黐屋企人,我又唔識煮飯,搬出去日日都食飯盒,家有住家飯食又有湯飲,有咩唔好?」
生活簡單得過分,「我唔鍾意夜蒲,個樣唔似呀呵?放工多數返屋企,睇碟,覺有時會去做健身同打籃球,不過呢排都冇時間喇。」

06年台慶前奏表演,李天翔同陳山聰和蔡淇俊等人扮男版粥粉麵飯,證明一件事,眼大扮女人未必一定靚《蘋果日報》圖片

所以,新聞也不多,「有冇人跟我?唔知,應該冇,我又冇乜會俾人跟到,咁我又唔係紅,我又冇做好出位,老實講,佢心目中,我冇咩新聞價值
其實,我也有懷疑過李天翔耍我扮乖仔,直到我問他喜歡看甚麼戲時,他答:「煽情片,我代入得好緊要,陣時套……劉德華同海洋公園隻海威拍」海威!「係呀,好耐喇,古裝。」古裝!「係呀!臨尾講佢要分開,我睇過幾次,幾次都喊。」
戲名叫《戰神傳說》92年上映,導演洪金寶,演員包括梅艷芳、張曼玉、劉德華同殺人鯨海威……
刁鑽,不會假裝得如此刁鑽吧?那看了《柴犬奇蹟物語》未?「我想睇,不過我驚戲院喊,俾人見到就唔好啦」劇入面殺人放火勾引人妻的演員說。

其實拍呢戲,男演員仲尷尬過女演員,有位好敏感

咀女
在無《銀樓金粉》的留言版,我又找到一段留言,正合我心意,「李天翔都幾好艷福,成日有得咀女artist!《金石良緣》朱慧敏除埋衫畀佢咀,《原來愛上賊》又咀馬蹄露,仲要係激吻!今次咀胡定欣,仲要埋泳衣,勁爆
好艷福的李天翔說:「其實拍呢戲,男演員仲尷尬過女演員,有位好敏感。」
得喇,你啦!我諗起馬蹄露激吻一幕,「係監製諗,想講一個型男原來可以同一個咁普通女仔一齊,點樣去用一場戲話畀觀眾聽我好恩愛,不如錫啦,真係咀啦,都冇諗過迴響都幾大,好同唔好都代表我成功啦!」
普通女仔?很厚道「唔好咁啦你,其實佢都係一個女仔,冇喎,拍戲唔會諗呢,同胡定欣咀都係一樣,都係做戲,唔會諗個對手係邊個

係都要黐鬚!不過呢張相重點唔係呢度,係我搵得辛苦先搵到李天翔唐韋琪(黃圈)合照,假?唔係?

唐韋琪就假!同李思蓓拍拖,李天翔就肯認,不過就話散喇!李思蓓最出名係成日水,身材又有睇頭,李天翔識揀喎!《蘋果日報》圖片

我找了很久才找到關於李天翔的兩段緋聞,也是在兒童節目年代一個是兒歌歌手唐韋琪,另一個叫李思蓓,做過世界妹逼爆世界盃,識食。「唐韋琪係假。李思蓓就係真,幾時?00年?我真係唔記得喇。家?冇喇冇喇,我都冇拍拖成45年。」
李天翔對眼晴又大又水汪汪,旺桃花呀!「我呢世人數埋拍過3次拖咋喎。家同屋企人食飯都冇機會,仲話識女朋友?有時間我會識,我好正常。
「不過你都識講啦,我個人好悶嘛!所以你話點搵女朋友?要接受到我係咁悶,最多都係打籃球健身游水……」
不要緊,打完李天翔風,現在全城迎奧運嘛

眼藥水與檸檬茶
整個訪問,李天翔都保持極度謙厚的態度,說到和劉松仁秦沛薛家燕和李香琴等前輩們合作,「我拍劇5年咋,佢都當我係新人,教我做戲呀走位呀,學到好多。」
就連我讚佢大隻,佢都話:「近排少操喇,有肚腩啦
最有自信的部位,是一對大眼晴,最滔滔不絕:「咁係大,身邊都有人講話我眼大,琴姐都讚過麥玲玲師傅都講過,話水汪汪係旺桃花。不過唔夠多紅筋,呢隻眼藥水滴會消紅筋,不過醫生都唔建議成日用,因為有類固醇……」
還有,連飲檸茶也很有自信,「如果得罐裝我唔要喇,罐裝檸檬茶甜好多,我飲好多年,你問我啦!」
是這樣的,現實和電視中的李天翔,簡直兩個人

撰文:馬慶武
攝影:林子賢
化妝:
髮型:
形象:`
服裝:Zara、H&M

Clipped from: http://hi.baidu.com/xiaoyujimes/item/8bf91f03f6c923e0f45ba639

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s