Uncategorized

留言集 謝幕西門豹 單立文

From Evernote:

留言集 謝幕西門豹 單立文

Clipped from: http://www.douban.com/note/140154681/

留言集 謝幕西門豹 單立文

2011-03-16 20:37:32

單立文沒有講粗口,一句也沒有。但他的幽默感,總令人發噱。例如,他會隨手拿起一枝紅酒,然後對着我們拍攝花絮的攝錄機說:「呢枝係吊命酒, Diumeishu……」
香港勝在有單立文,我們因而嘗到很多快樂。
看他演西門慶,或多或少讓你熱血沸騰吧!遇上沮喪失意,唱〈豈有此理〉也算是最佳的宣洩途徑。八、九十後只見他上《超級巨聲》鬧鬧鬧,富娛樂性之餘又袋錢落你袋。最近摒除所有既定框框,成為 now《撳錢》主持,音樂人化身貼士王,都幾匪夷所思。
「香港樂壇死咗好耐喇,唔做其他嘢點生活?」
單立文外號「豹哥」,除了源自英文名 Pal,或多或少人如其名:「性情機敏,嗅覺聽覺視覺都很好,智力超常,隱蔽性強,是老虎獅子所及不上的。」(來自《維基百科》)
下個月便屆知天命之年,從前的西門慶老早謝幕了;換來循循善誘兼四萬咁口的慈父角色,應該還有心有力。唯一死穴,可能只是豹嫂。

由錢入心
眼前的單立文,笑容多,表情多,硬要像一種動物,也可以說是豹,不過應該是頭儍豹。
「做唱歌比賽評判梗係要惡,相反做遊戲節目主持一定要和譪可親,咁嚴肅點入屋?」
他的貼士雖未至於百發百中,但好幾次確是明燈。例如,香港哪區最多老鼠?大部分人答深水埗及旺角,他選灣仔,結果答中了。
「深水埗係多夜店,但唔夠灣仔集中。一到夜晚,老鼠媽媽帶住成班仔女衝呀……」
他賣的,是人生經驗。他肯接受新挑戰,因為相信一個理念。
「我哋表面上係金錢掛帥,實際上係『由錢入心』。依家啲 o靚仔一返屋企就入房打機,唔會同老竇阿媽講句嘢。我哋令一家人坐埋一齊有商有量,唔經唔覺溝通多咗。我好想鼓勵大家多啲親子,依家啲細路,菲傭係阿媽,真係做人阿媽嗰啲只係識問其他阿媽:『你個仔鋼琴幾級?仲識啲乜?游水定爬山?』」
的確有點豈有此理。自從成家後,單立文也很愛家。
「我老婆直頭係我生命嘅寶!」

玩《撳錢》唔識答不妨跟豹哥,命中率都幾高。

柔順劑
「豹嫂」胡蓓蔚在上海土生土長,九四年來港發展,出過幾張唱片,有「翻版王菲」之稱。九七年單立文為她作曲,從此定情。
「佢同香港女仔嘅最大分別,係無咁功利,從來唔會問我收入幾多?有無樓揸手?佢唔會計算別人。」
豹嫂的最厲害之處,是把原本兇猛強悍的野豹變得溫馴開朗。
「我以前好憤怒、好孤僻、好怪雞。少少事就撐到行,講唔掂數就拍枱走人,係我老婆先頂得順我啲臭脾氣。佢似柔順劑,將我啲稜角磨滑。做人係要有自己堅持,但可以放開懷抱,關心多啲其他事,俾多啲愛其他人,無污言穢語嘅說話,其實更容易為人接受。」
單立文一直以為自己是浪子,兩人拍拖十一年後,還是在○八年結婚了。
「喺『磨滑』我嘅過程中,佢硬食咗我好多憤怒,但一直無怨無求。一個女人對自己咁好,唔結婚仲想點呀?」
婚後他變得積極,活躍幕前,也是這一兩年的事。
「佢工作穩定過我,我食軟飯嘛!(大笑)其實佢有鞭策我,所以我都會進取啲,工作量唔可以太落後。」
夫妻如魚得水,唯一死穴,是豹嫂從不看豹哥的三級片。
「佢真係介意,一部都無睇過。」

永遠的西門慶,話時話,當年嘅三級片,製作認真過好多當今嘅港產片。

做《超級巨聲》時其實十分生鬼,不過只限台下。

p140154681-5.jpg

《賭俠》飾演「侯賽因」(圈),其實都好搶。

過無綫劇,如《下一站彩虹》(圖),不過大家最有印象,可能係《大鬧廣昌隆》嘅「天靈大師」。

六次西門慶

時為九○年, Blue Jeans樂隊剛解散,身為低音結他手的單立文正徬徨出路,碰巧《潘金蓮之前世今生》找他演西門慶,他一口答應。
「我哋有個口號:"Sex, Drugs, Rock n’ Roll"(性、毒品、樂與怒),性跟 Rock n’ Roll無形中掛鈎,拍艷情戲唔覺得有乜大不了。」
他還憑此片獲提名金像獎最佳新人獎,之後,蔡瀾代表嘉禾找他。
「蔡生話簽我三部戲,『(壓低嗓子,扮蔡瀾口音)嗱,你扮個書生,有三隻妖精,你同時愛上佢哋,有啲特技呀、科幻呀,(再壓低嗓子)少少艷情咁啦……』」
他入世未深,只聽到「書生」、「特技」和「科幻」幾個字,萬萬想不到那「少少艷情」才是真正賣點。這是《聊齋艷譚》,香港史上第一部三級片,單立文是第一個三級片男主角,也是葉子楣爆紅之作,當時收了千萬。
「今日當然唔後悔,點都係一個難忘經歷。但當時仲好 green,唔識諗,真係有後悔。睇首映嗰晚震過貓王。」
他父親當警察,在他十歲時有婚外情,離家後便沒有再回頭。母親一手把他養大。
「香港人道德觀念始終保守,家人點會接受?阿媽話就話支持,但心裏一定好介懷。呢種所謂支持,其實係好尷尬嘅支持,因為我係佢個仔,佢局住要撐我,所以我一直好感激。但想深一層,個個批判我,係咪因為我做得好?」
他一共做了六次西門慶,古今中外相信無人比他更勝任。
「演戲係一個扑碎自己再重組嘅過程,我有責任將七情六慾演繹出嚟。我每次都做得比之前一次立體,去到後期,好多觀眾甚至愛上西門慶有血有肉。你估武松又真係好人咩?佢懶講道義,不解溫柔,潘金蓮如花似玉但嫁着個侏儒,佢一早對武松有意,如果武松唔係怕人話佢勾義嫂,潘金蓮就唔使成為淫婦……」他不無道理,只是坊間衛道之士更多,三級片主角注定受靶。
「三級片只係一個制度,呢個世界有求先有供,食色性也,人一定會有性慾,如果唔係點繁殖下一代?單身男士有性幻想好正常,你都要俾個正常渠道人哋宣洩呀,大佬!唔通周街非禮人先叫啱?況且,當年葉子楣都叫做女神吖!你又要鬧,但又要睇,香港人就係虛偽。」
豹哥雖已收了火,但對一些假惺惺和假道學,還是看不過眼。
「西門慶係衰人,咁依家啲富豪有幾個老婆,名正言順拖出拖入,咁又點?」

資深音樂人
敢怒敢言,娛樂圈勝在還有單立文,只是香港已沒有樂壇讓他發揮。
「我呢類『資深』音樂人,價錢亦相對『資深』,好多人唔敢搵。我又無可能上『宣傳易』賣廣告:『幫襯我豹哥啦,電話係……』好多客觀因素迫住我轉做其他工作。」
他從小喜歡音樂,學過小提琴,但更愛搖滾,中學轉玩結他。十六歲便在駱克道酒吧當樂手,因此知道灣仔很多老鼠。
「家駒講得啱,香港已經無樂壇。記者只會問:『噚日見到你同邊個拍拖喎!』當然好灰心,咁嘅風氣,點敢再夾 band?」
八三年,他組過 CHYNA樂隊;八六年,跟蘇德華和黃良昇再組成 Blue Jeans參加泛太平洋作曲比賽,簽了 SONY。成名作〈豈有此理〉,港台節目《頭條新聞》間中仍會用此歌來諷刺時弊。
「以前啲歌手好有風格,邊隊 band唱邊類歌一定講得出。依家啲歌星只係上架貨,一兩年無動靜又可以落架。幕後嗰班,計數佬之嘛,完全無遠見。你哋唔尊重音樂,歌迷亦唔會尊重你,聽歌只睇靚唔靚仔,去機場接機好似爭插頭炷香咁瘋狂,根本成件事錯晒。」
Blue Jeans九○年拆夥,三人從此不相往還。箇中一定有原因,但單立文覺得無必要再深究。他開始拍電影,亦做了很多幕後音樂製作。
「工作其實幾飄忽,既無固定單位,又無乜定位,有時都好有危機感。但好彩叫做每個範疇都生存到。」
陳奕迅容祖兒開演唱會,總見單立文當結他手。 Twins初出道時,他便飾演「爺爺」與她們一起唱〈健康歌〉。他當然有喜惡,比較喜歡 G.E.M.和衛蘭,也欣賞 RubberBand。7 h3 I
「呢行好多藝人分餅仔,我同好多個都好熟。有時會好矛盾,幫得呢個,第二個又唔鍾意。秘訣係待人以誠,有乜是非,一定要保持中立,唔好亂講說話。人最緊要知道自己定位,適當場合做適當嘅事。」
他結婚,擔任兄弟姊妹的全是炙手可熱的天王天后,江湖地位可見一斑。
「咁多人尊重自己,會珍惜,但,浮雲嚟啫!經歷過咁多代人,娛樂圈玩法點會唔知?記得我第一個伴奏嘅歌手,係許冠傑,之後有關正傑、徐小鳳,後期先到梅艷芳……」
那時,是一九八○年。

為甚麼 rock友一定留長頭髮?「因為反叛,想人留意囉!依家睇番,真係幾得人驚!」單立文真實對白。

○八年結婚,問他要不要「豹仔」,他耍手擰頭。「呢條問題真係唔識答,暫時唔諗住。」《蘋果日報》圖片

又係豹哥

關於「豹哥」這個名,還有段古。
「小學時,我其實叫 Peter。後來鍾意咗一隊搖滾組合 Emerson, Lake& Palmer,覺得 Palmer個名好型,就用咗 Pal做英文名。不過,係你哋叫我『豹哥』咋,我從來無講過係邊個『豹』,可以係大炮個炮,亦可以係泡菜個泡!」
炮哥?睇落幾堅,感覺還可;但泡哥?太流了吧?
「泡菜有甜酸苦辣,似我呀!仲有,泡妞都係呢個泡,幾好!」
唔知泡嫂制唔制?

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s