Uncategorized

留言集 老童遊記 蘇民峰_O.P.E.N_百度空间

From Evernote:

留言集 老童遊記 蘇民峰_O.P.E.N_百度空间

Clipped from: http://hi.baidu.com/xiaoyujimes/item/3141c45fadcd5ddcd48bac39

O.P.E.N

豪语录 留言集 面对面 电视色香味

留言集 老童遊記 蘇民峰

sudden 668

與蘇民峰在工作上有過幾面之緣,他會記得曾經合作過的記者
「做乜好轉去有線度做?」他一見面便問我。
我頓時O晒嘴。原來,他只知道今天要為新一輯掌相節目做宣傳,卻不知道被安排做雜誌訪問,以為我是有線工作人員
「,鬼知咩,我依家已經半退休,兩年無做訪問啦,好多都無理。」
蘇民峰,永遠寸嘴,記憶中從未謙虛過

風水命理、蒲吧溝女,他向來是專家;在電視開班授徒,他非常得戚:「就係想外面班風水師學,唔好招搖撞騙!」
近年投資有道,近億身家更令他牙斬斬
「都白癡,投資唔係講運,係講眼光!」
蘇民峰最愛罵人「白癡」,但永遠笑騎騎四十八歲,依然穿最潮的JohnGalliano,像個遊戲人間的老頑童
人到無求,更加寸爆。

去年拍《四十日峰狂環遊世界》,蘇民峰說:「係班攝製隊緊張之嘛,我都去過晒!」

最新一輯《「峰」生水起精讀班》下周推出,主持由吳文忻變為董敏莉,應該是近年有線較有收視保證的節目

煩惱
坐在汀九四千呎獨立屋,屋主蘇民峰居然跟我們一樣,喝樽裝礦泉水
「呢度淨係俾你傳媒影相,我嫌靜得滯,裝修好只係住一個禮拜,之後搬番去尖沙嘴。
「我習慣一年去幾次布吉,住呢度仲使去?」
千萬豪宅只靠菲傭打理,蘇民峰好日才回來一次看見門口那個應該放水的花盆早已乾塘,他才喚菲傭加水。
「呢個賓妹算好,肯掃下樹葉,以前個懶到死!」
蘇民峰「慨歎」現時最大的「煩惱」,是唔知去邊旅行
「每個月第四個禮拜放假,每年八月一日到三十一日又放假,全世界都去過,已經唔知可以去邊。今年八月去北歐同蘇聯,我女友未去過。」
這是個極度愛晒命的人,你即管罵他浮誇,他話之你
「我係全世界最叻風水師,就算你唔認同,我都當正自己係。其他人完全唔同級數,莫講話有幾多料,智慧已經差好遠

只要開心,乜都夠膽死,如扮女人圖為○一年,扮梁詠琪。《壹本便利》圖片

智慧
好,就研究下蘇民峰的智慧細細個,他住九龍城寨,百幾隻老鼠的「大場面」,見慣不怪。
「用木衣夾、橡筋再加支大頭針,就整到支『飛鏢』,一射就拮死隻,有得玩之餘,又唔使打到一pat咁烏糟,你話幾叻!」他笑得很開懷
這,應該是最早期的街頭智慧。
讀書最叻計數,中二前數學全是一百分。「中二要用英文,鬼識咩!結果肥佬晒。」
中四輟學,做過跟車苦力、茄喱啡,英文唔識多個居然夠膽去高級髮廊見工當學徒。做了六年髮型師,又走去西藏流浪半年,回港後才開始正式睇相。
「做人最緊要變通,邊有一份工做到老?點解呢行無人及我,因為我會進步
九十年代,他自創「寒熱命」理論,現時不少風水師都跟他口水尾。

曾客串電影如《行運超人》,「都係玩下,拍戲邊搵到食?」

「風水唔係萬能,只係在能夠計算範圍內做到最好我唔怕客人找晦氣,你話我知點錯,我先有辦法改進。
「我有個學生,一日到黑打問呢樣點睇樣點睇,我叫佢不如再上堂,我永久保用,唔使再收錢喎,佢都唔
蘇民峰由八六年開班授徒至今,學生近千,但無一個打出名堂。也有些風水師傳聞是他徒弟,但當事人從未承認過
「點解無人接到我手?因為佢欠一個字:心。做呢行係一件好恐怖事,人人都叫你『大師』,大大下就愈捧愈高,做到咁上下眼內只有個錢字,而唔係真心幫人
「你話我寸都好,我從來無一秒立心呃人。」
想深一層,蘇民峰的自我優越感,其實不單來自腹中墨水,而是自命不凡的「胸襟」
「上電視公開教人,就係等人知道風水唔係迷信,唔使去深山修練,只係計數計數計數,乜都有方程式
「絕對唔怕行家偷師,我都好希望佢學套,起碼幫到客,好過渾水摸魚!」

眼光
不論你buy不buy蘇民峰那套,他的確有他的處世智慧有人對他奉若神明,有人則嗤之以鼻,不過大都是邊鬧邊看,一面罵他八卦,一面想知自己幾時行運。
「命運基本上安排晒,要發生一定要發生,我只係將大事化小,唔會令你炒股票發達
但眾所周知,蘇民峰的確因投資發達。
「都白癡,投資係講眼光,唔係風水命運!我投資叻純粹因為識計數
人人炒新樓,他專買尖沙嘴佐敦一帶的舊樓,早前更有報道他是靠炒賣「鳳樓」起家。
「度樓價平,租金又有保證,第一桶金就係咁賺番
近年他轉炒商舖,一口氣買入多個中上環舖位,租金用作供款,不用自己真正出錢。
「○八○九年樓市最旺,一○年先會跌,你肯賣我一定買我投資一向好穩陣,收幾錢租再供幾錢,全部個腦度。依家舖全部自生自滅,我搵幾多可以使幾多

細細個,住過九龍城寨,也住過砵蘭街

以前,去西藏流浪是件大事;如今,去到唔知去邊,是件苦事吹脹!

退休
全盛時,蘇民峰一個月開工二十六日,月賺百萬;現時,每月開工十二日,收入少一半
「一入行,就算到自己○五年會退休,但估唔到點退法以為沙士之後人氣跌,無得撈啦,原來係因為病,自己唔想撈!」
一生機關算盡,最欠智慧,就是這一次他就是知道○五年會退休,於是○四年狂接job,弄至精神緊張,怪病纏身
「個胃成日痛到飛起,飲少少香檳都痛,有晚三更半夜入養和,check晒所有,又話無事。
「連香檳都唔飲得,真係死好過!」咪係,蘇民峰一星期最少蒲三晚,要他戒酒,等如要他的命
「頭皮又出血水,生晒牛皮癬,要用紙巾印下印下,肉酸到死。後來先知,係因為壓力太大,免疫系統出錯,身體機能自己打自己
唯一治本方法,是減產。
「好多人一離婚就生cancer,係因為壓力好彩我做呢行,識自己救自己,否則一定變抑鬱症。但講到尾我都係蠢,病到○五年先知!」
鋒芒太露,最終傷了自己大病過後,才懂痛定思痛。
「只有唔貪,先會開心。錢永遠搵唔完,但最緊要知自己屬於邊個level。心態唔同喇,講國語英文、日文客統統唔接,我完全無語言天分,以前懶叻去外國睇風水,得個煩字。」

死穴
蘇民峰成世人牙擦擦,但講到外語,就是死穴
「去米蘭十幾年,只係識講數目字同嗌個橄欖辣椒意粉,無鬼用。」
多年來喜歡穿JohnGallianoT恤,可能只有一個原因:識讀。
偏偏女友是台灣出生,美國長大的半鬼妹,蘇民峰間中都要用英文sendSMS
「只係識簡單英文,寫e-mail同睇風水一樣,都係斷估,哈!哈」
說起這個跟他已十八年的女友Lilian,牙擦仔忽然有點別扭
「我鍾意佢唔識計數,從來唔問我有幾多錢香港女仔識你兩日,就問你銀行戶口有幾多啦!
「初初識佢時,佢以為我好窮,同佢去台灣Hyatt飲茶,佢爭住俾錢香港探我,又送衫俾我,話覺得我好可憐我成日寸佢,街邊乞兒夠可憐啦,你又唔鍾意乞兒?哈……」

《蘋果日報》圖片

真正高手
蘇民峰女友自從九一年來港探他之後,一「探」便「探」到現在年前有雜誌刊登二人結婚證書,說話從不模稜兩可的蘇民峰,唯一在此事上不置可否
「結唔結婚都係一樣,最緊要個女仔有安全感。我買樓賣樓邊有咁多時間去律師樓,咪又係佢去簽名
簡簡單單一句話,已交代一切。即是說,蘇民峰的近億身家,女友佔一半
「我嗌交時成日講分手,講好晒我要邊度邊度,佢又要邊度邊度,分好晒啦!
「真係分手就好,我直頭海闊天空啦!可惜,叫極佢都唔走……」
這個世界,一物治一物,誰是真正高手,唔使講

最近出食譜,蘇民峰又「慨歎」:「煮食係逼於無奈,因為一出街食飯,個個走叫我贈兩句,煩死人!」

撰文:林蕾
攝影:周義安
協力:張錦昌

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s