Uncategorized

面對面 童顏無忌 陳自瑤

From Evernote:

面對面 童顏無忌 陳自瑤

Clipped from: http://bbs.ent.163.com/bbs/tvb/198465845.html

面對面 童顏無忌 陳自瑤

約陳自瑤( YoYo)接受訪問的前幾天,照例事先商量照片和服裝方向,她的無綫經理人特別強調造型要成熟,說 YoYo已 29歲了,又剪了多年留的長髮要改變形象,還是有傳媒把她當小妹妹看待,愛給她準備些可愛粉嫩的少女服飾。
配合不是問題,可是看過陳自瑤主演的《仁心解碼》結局單元,硬是覺得扮演精神科實習醫生的 YoYo,扮小護士比穿起白袍更有說服力;剛拍畢的《抉宅男女》, 29歲的 YoYo與 25歲的羅仲謙是一對,看起來比謙謙與同齡的傅穎更合襯;讓人免不了擔心,天生一副童顏的陳自瑤,想走成熟路線是不是有些一廂情願?吃娛樂圈這行飯的,不是人人都夢寐以求一張不會老的童顏嗎?
陳自瑤說童顏曾經是特色,如今是障礙:「咁多年唔係做人哋個妹,就係做人哋個女朋友,其實我都好想有獨當一面嘅一日。」
19歲因為代言城市電訊一炮而紅時,我見過 YoYo一面; 24歲簽約無綫不久,她也應邀做過本刊專訪主角一次;又五年過去了,她的語調情緒依舊起伏不大、男朋友像往年一樣總是門當戶對、不太換畫,圈中密友不多、敵人亦不見得有,陳自瑤不變的,除了童顏,還有本性。
有些人,就是註定要擔當別人的妹妹或女朋友,可愛討喜,卻不耀眼。

裝嫩

計埋上個星期開鏡的新劇《我的如意狼君》,陳自瑤說自己來年排隊播出的劇集足足六套,算是產量最高的一年。
其中在《花花世界花家姐》扮演第三女主角,角色是名模兼林峯前女友:「套劇話林峯係個有錢仔,結果屋企落難又同我分手,俾佢遇到阿佘。阿佘今次做個智商得 10歲嘅智障人士。」
35歲佘詩曼扮 10歲,我極度質疑其說服力,並感慨電視台的青黃不接,花旦小生 10多年還是那幾張面孔、三張幾還得裝嫩:「我又唔覺得阿佘扮 10歲智商好難接受,佢嘅演技我真係好佩服、好欣賞……呢行係咁,我哋嘅角色確實係為咗陪襯。一直做陪襯失唔失望?其實我又真係唔覺得失望,我未夠資格,亦都未去到嗰個階段,做主角壓力好大 o架,真係要做啲嘢畀人睇到至得。夾硬上咗位,一套劇表現唔夠好,落得仲快!」

其實我又真係唔覺得失望,我未夠資格。一直做陪襯失唔失望?

現任男友王浩信比陳自瑤年幼 2年,去年尾感情亮紅燈,有傳聞說男方靠 2千短信箍煲成功。《忽然 1周》圖片

35歲阿佘都可以扮 o靚妹,我不懂不到 30、外表依然少女的陳自瑤為甚麼急着裝熟女:
「早幾年,我都還欣然接受,童顏係我嘅優點。但呢兩年,仲有人叫我妹妹仔、去幫雜誌影相,見到人哋仲係借緊啲 cute cute少女衫時,我真係驚到嗌『唔好喇啩?』外表呃得人,但我呃唔到自己,我內心真係唔再少女吖嘛!」
衣服刻意成熟、笑容刻意收埋、近年多了看哲學和演技書,還在外找導師學戲,又特地剪短留了多年的長髮,除了扮成熟,陳自瑤承認外形多年一成不變太沉悶,犯了演員大忌。
「我真係唔想再做人哋附屬品、唔想再做問題少女,剪咗頭髮, so far監製都覺得有新鮮感,我由人哋個妹,起碼做咗人哋個女朋友……慢慢嚟囉。」

07年拍攝《同事三分親》,陳自瑤與蔡淇俊撻着,還因此捲入手機遺失外洩女星裸照事件。《忽然 1周》圖片

剛播完的《仁心解碼》,陳自瑤的身份是精神科實習醫生,但演起來一樣像俏護士。《蘋果日報》圖片

本性

說到演技,陳自瑤說 09年拍攝《女人最痛》獲益良多:
「米雪姐唔只自己好戲,仲肯教人……仲有阿佘同楊怡,合作咁多次,我覺得佢哋演技真係好好!」
聽到這,我打斷陳自瑤,告訴她讚電視台前輩和花旦誰都會,不如換個話題不說好人好事,說說是非和勾心鬥角?「嗯……」陳自瑤用心想了很久,搖頭說沒有:
「可能我好彩,從來冇遇過呢啲嘢,入行咁多年都未試過有人想害我。」
入行 10年,沒有是非、從來不是別人眼中的假想敵,我告訴陳自瑤,這對藝人來說,不算優點:「我係冇乜火冇乜殺傷力,亦都可能係我份人太簡單,太識保護自己呢……」
陳自瑤說,在電視台沒有敵人。密友,數來數去只有沈卓盈:
「我唔會樹敵,但亦唔係嗰啲同個個都話係好姐妹、好兄弟嘅 social強人,電視台班同事,私底下會聯絡嘅真係冇乜幾個,有時間我寧願喺屋企睇書、畫畫。咁多年喺呢個位唔上唔落,我曾經好掙扎,迫自己做啲以前唔會做嘅嘢,結果仲辛苦……點解要迫自己?
做人點解唔可以忠於自己呢?係就係行得慢啲,咪默默耕耘囉,但我活得開心喎……」

去年在《女人最痛》飾演 o靚模,還拋胸強搶米雪老公:「米雪姐好專業,拍戲時冇人睇出佢男友(尹志強)啱啱走咗。」

09年谷胸出席台慶:「一兩年前好掙扎,諗緊係咪要拋胸,要巴結人至可以唔再唔上唔落,結果更唔開心。」《忽然 1周》圖片

危機

口口聲聲說最終奮鬥目標是做花旦,陳自瑤說:
「去到嗰個位,要犧牲好多嘢,女仔除咗事業,都要有自己嘅生活。」
初入行,與前 DJ、現無綫主持阿感(黎國輝)拍拖 4年,後來,與蔡淇浚的緋聞傳足兩年,現任男友王浩信從 08年《野蠻奶奶大戰戈師奶》撻着,陳自瑤口中不能錯過的生活,明顯說的是感情生活。
「我外表柔弱,但感情方面清楚自己要乜,幾次分手都係我嘅決定,唔係大家心目中嘅小公主。同男朋友去年尾瀕臨分手,大家最終決定繼續為呢段感情努力。分手有幾難?放棄又容乜易?
年紀大咗,人始終會變,唔會再覺得遇上一個識得錫自己嘅人係應分,自然學識珍惜。冇一對情侶係 perfect,冇一對夫妻唔係通過磨合至有得白頭到老,我好開心我哋兩個有共識,願意一齊改變一齊走落去。」

陳自瑤說自己從小就是父母和同學眼中的抑鬱小公主:「其實我比大家想像中 tough!」

19歲入行擔當 CTI揸*姐姐紅極一時:「其實打後嗰幾年係我事業最低潮,個廣告太深入民心,根本冇其他廣告夠膽搵我!」

8月就滿 30歲,陳自瑤說自己不急,可是父母心急要把她嫁出去:
「屋企人同朋友一樣,覺得我永遠都係弱不禁風嘅小公主,覺得我唔適合做呢行,會俾人蝦、會承受唔到壓力,爹哋媽咪成日都叫我,一係換工,一係快啲嫁。真係咁想做,咪嫁咗之後繼續打風流工囉……
其實點會捱唔到?咁多年都捱過啦!對我對男朋友都係,o依家仲未係時候,仲應該為事業拼多幾年!」

午後陽光

陳自瑤說,自己喜歡畫畫,還指定一定要是個陽光充沛的午後,一定要是好心情,才會把畫具搬出陽台,一個人聽着音樂慢慢畫。
陳自瑤說,大學讀設計的男朋友王浩信也愛畫畫,收過最甜的生日禮物,是男朋友親手畫的一幅素描。
王浩信筆下的陳自瑤,和我印象裏的陳自瑤一樣,不屬於電視台、也不會是花旦,不需要鋒芒畢露,可愛討喜就好。

撰文:朱小博
攝影:蔡榮章
髮型: Joseph Lui@ Hair
化妝: Stephen.L
形象: Bryan@ the Flaming
服裝: Patrizia Pepe

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s