Latest Entries
Uncategorized

被遺忘的時光 羅敏莊

From Evernote: 被遺忘的時光 羅敏莊 Clipped from: http://bbs.ent.163.com/bbs/tvb/183885086.html 留言集 被遺忘的時光 羅敏莊 早幾年訪問許志安,他說起了羅敏莊。「早幾日遇到羅敏莊,我問她:『仲有無唱歌呀?』她答得很開心:『有呀,最近錄咗張雜錦碟,等咗好耐喇!』我突然『叮』一聲,有幾多人仲記得羅敏莊是歌手出身?我許志安仲有得唱,已經好幸運……」( 06年 9月) 看着羅敏莊,會叫很多人知足。明明是歌手,但從來沒有人把她當歌手。沒有「尖尖尖」的硬銷廣告歌,也沒有一段能同時上港聞版和娛樂版的驚世戀情。 她有的,只是偶爾上《超級巨聲》的驚鴻一瞥。 互動片段 羅敏莊專訪節錄及花絮 「夠了,我的目標,只是唱歌而已。」羅敏莊說。 二十歲出道,廿二歲失業,之後轉型,羅敏莊躲在電視台裏,一直在被遺忘的時光中過日子。三十五歲的她,記得時間爬過的味道,有點酸,有點苦。 「都過去了,現在的我很快樂。」 快樂的原因,是因為老公陳國邦覺得她煮的龍蝦湯,很鮮甜。 羅太個女不怯場 羅敏莊三歲的時候,已懂唱歌。 「爸爸媽媽喜歡聽歌,常帶我去那些中式夜總會吃飯。有次有個歌手把我抱上台,我一開口,就唱〈上海灘〉。」 三歲定八十,浪奔浪流,彷彿是種神奇的魔咒。小學生寫「我的志願」,不是醫生就是律師,羅敏莊寫「酒廊歌手」。 「每張點唱紙的歌他們都會唱,又識搞氣氛,覺得那班哥哥姐姐好叻。」 卡拉 OK興起,她是愛民邨第一個有這玩意的小孩。每天下午例必娛人娛己,疑似梅艷芳鄺美雲陳慧嫻的歌聲,樓上樓下都聽到。 「幸好不是唱得太衰,沒有人投訴。遇上邨內有甚麼活動需要人唱歌,街坊總會說:『叫羅太個女上去唱囉!』」 父親是警察,母親是家庭主婦,她在天光道官立中學讀書。運動比賽沒有甚麼貢獻,但永遠是歌唱比賽冠軍。 「所以我從來不怯場。」 演藝學院二年班,羅敏莊終於得到一個走入錄音室的機會。 「有個師兄認識安格斯(發掘陳慧嫻和黎瑞恩的音樂製作人),叫我去試音。回想起來其實幾危險,那時很多呃人的 model公司,但我聽到可以『入錄音室』,已經開心到不得了,甚麼都不理了。」 為郭富城和音 羅敏莊沒有被呃,還簽了華納出唱片。早前她上《超級巨聲》與參賽者合唱的〈挑戰者〉,正是她自己的大熱歌曲。她是九五年新人獎銀獎得主,金獎是陳慧琳。 「原以為自己前途一片光明,阿 Mark(雷頌德)幫我做唱片時,還問我願不願意幫郭富城唱和音。郭富城喎,梗係『?飯應』啦!」 郭富城有首歌叫〈你是我的一切〉,和音部分有把女聲在「 woo吖吓」,那便是羅敏莊。只是,好景不常,華納不久之後便大地震。 「我份合約,還是 Paco(黃柏高)簽的。只可惜我們沒有來得及培養感情,他走時沒有把我一起帶走。」 《超級巨聲》比賽,倫永亮聽罷羅敏莊唱歌後說了一句:「希望現今樂壇多啲羅敏莊呢類歌手。」即令她激動流淚。「唱咗十五年歌,終於唔使再同人解釋,其實我係識唱歌。」 夥拍 MC Jin做《勁歌金曲》主持,羅敏莊失落多年的歌手身份,終於再被認同。《蘋果日報》圖片 《古靈精探》中的「美人」,近年最搶角色。「我把聲其實好沉,做『美人』時每次都要高八度。」 咁醜樣! Paco走後,李進入主,帶來了鄭秀文。公司資源應該放哪裏?當然不是羅敏莊。 「我自知樣貌不及陳慧琳,但都叫做唱得,但公司一直把我投閒置散。當時好嬲李進,也有怨 Paco,但現在回想起來,在商言商,一家公司當然要捧賺錢能力高的歌手,幾時輪到我這個無名小卒?」 自生自滅倒也算了,羅敏莊記得,還有很多冷言與白眼。 「有次開會傾唱片封套,有個人突然走進來,拿起我張相就說:『咁醜樣,影過啦!』我心諗,咁都得?萬聖節我扮紙紮公仔,那個人又嫌我醜樣,猛叫身旁的助手叫我扮過第二個。但我只是新人,哪有錢裝身?扮紙紮公仔最平嘛!」 「那個人」當年的臭臉,大家都知道的了,名字也心照不宣。 「現在當然不會怪她,但當年的確很難受。娛樂圈,令我見識很多,原來很多人都是表裏不一的。」 … Continue reading

Uncategorized

留言集 我沒有2628 陸詩韻

From Evernote: 留言集 我沒有2628 陸詩韻 Clipped from: http://hi.baidu.com/xiaoyujimes/item/8559077b46eeb6295c178935 留言集 我沒有2628 陸詩韻 sudden 677 這個世界,甚麼笑貧不笑娼,騙人的。 看陸詩韻,因為搭上一個富豪曾文能,就有「伴遊」和「人肉速遞」等稱號。不是娼,已淪為笑柄。 以為冷手執個熱煎堆,殊不知撿到的原來是燙手山芋,添煩添亂。 「呢段緋聞,搞到一鑊泡,個個以為我只係識黐富豪,以前建立港姐形象無晒,好唔抵。」陸詩韻慨歎,還真的加個長長的歎氣。 港姐形象,真的那麼重要嗎?這個問題,或許陸詩韻的同屆冠軍葉翠翠更懂得作答。她大概會告訴陸詩韻,港姐要美貌與智慧並重,不然如何買中2628(中國人壽)賺三千萬? 「我就渣啦,聽人講買隻3377(遠洋地產),十二個九買入,最近跌到得五蚊!唉……」這次歎氣,更深。 亞軍即是亞軍,陸詩韻是鱷魚頭老襯底。2628沒買中,但有不用後天加工好身材,或許寄望「易露,易發」吧。 我太幼嫩 陸詩韻的花邊新聞,永遠較演藝工作富娛樂性。事發於○七年一月,她與富豪曾文能同遊日本,即被冠上「伴遊」之名,之後還多次被拍到夜訪曾文能位於渣甸山豪宅,被指「人肉速遞」。這段情,似乎打風打唔甩,去年除夕夜,陸更隨曾去ball,變成「見家長」。 殊不知,好戲在後頭。上月,有指是非名模周汶錡硬撬曾文能,明斷陸詩韻米路。分手事小,影響卻深遠,陸詩韻豪門入唔成,形象又插水,事業更是半天吊,學佢話齋,真係幾「一鑊泡」。 忽:現在怎樣形容和曾生的關係? 陸:普通朋友。 忽:連「好朋友」也談不上了? 陸:不了,普通朋友就夠。這件事上,代價太大。未傳緋聞之前,我一直發展得好好,有《娛樂直播》,有做MC,間中又上綜藝節目唱歌跳舞……自從負面新聞一出,所有工作都停了下來。公司雪不雪藏已是其次,觀眾對我的印象已大打折扣,之前建立的形象,即時清袋。現在要從頭再來,好辛苦。 忽:很後悔? 陸:我只可以說,每一件事,都是經歷。其實我不是跟完一個又一個,來來去去都是曾生一個,但因為他的背景,令人覺得很傳奇,也令我很大壓力。 _縱使陸詩韻從來無正面承認曾文能為其男友,但年頭一起遊日本(左),年底又一起去ball(右),明眼人都知發生乜事。《壹週刊》圖片 _《蘋果日報》圖片 _下周播出的《當狗愛上貓》,陸詩韻終於有正正經經的一角,「與呂方有感情線,仲會俾華倩掌摑!」 _○八年,陸詩韻(中)其實無接過泳衣騷,但感覺她仍然經常泳衣。「因為客串《法證Ⅱ》,泳衣相用做宣傳。」 _被指「黐富豪」前,陸詩韻頗受重用,《仁濟》籌款,找她跳舞。 忽:最介意是「伴遊」兩個字吧? 陸:是,好核突,好介意。去旅行,可以有很多寫法,為何一定要「伴遊」?之後,我就被認定了「黐富豪」。現在跟朋友去街,都變成「陪乜」、「陪物」。 忽:若早知道有今日後果,去年還會不會那樣高調去除夕ball?是想強調「正印」身份吧? 陸:今日再揀,一定不會去。那一刻我沒想過要突出甚麼身份,若然要,我直頭可以跟曾生一起進場,而不是分開。當時我只覺得,緋聞都寫了成年,去ball,應該無乜新point,想不到,記者真的會大造文章。 這件事上,證明我處事手法仍好幼嫩,很多事想得不夠周詳。 忽:現在見到周汶錡,會不會尷尬? 陸:我行得正企得正,要尷尬的一定不會是我。 忽:有沒有嬲她搶走曾生? 陸:一個好男人,不會那麼容易被人搶走;搶得走的,俾你都唔好恨。要怪,應該怪個男人而不是個女人,這個世界有千千萬萬個女人,嬲得幾多個? 忽:以後交男朋友,會不會小心點? 陸:交到先算,我揀人人揀我,經常覺得,好男人已被人mark晒,不會輪到我。反正由細到大媽媽都教我男人信唔過,今次又證明媽媽是對的。 我很好勝 娛樂圈,誰不在釣金?看陸詩韻同屆的葉翠翠,人家的富貴男友至少三五七個,三千萬豪宅也到手。陸詩韻呢,弄得一團糟,聲名狼藉。 出身不同,做事手法也自然不同。葉翠翠父親是退休公務員,母親是長期腎病患者,做女兒目標為本,搵錢大過天。陸詩韻父親是製衣廠老闆,她選到港姐亞軍,即獲贈平治房車,陸父還專程投了「1229」車牌給愛女,那是她生日。 陸詩韻自幼受寵,愛拚也好勝,追求的,是愛情。愈是知道男人壞,愈是想改變,只是,今次衰了。 忽:認為「男人信唔過」,是因為爸爸的關係? 陸:是,小時候,他經常在大陸,很少回家,我看到媽媽不開心,就好嬲爸爸。小孩子思想單純,認為爸爸既然有女人,就嚷叫媽媽離婚,媽媽不肯,還以為她懦弱。長大後才明白,離婚不是那樣簡單,要考慮很多方面,斷然離婚,只會益了對方。 其實不止爸爸,眼見很多親戚朋友的婚姻都是如此,女人付出好多,男人卻有另一個……成長環境,令我變得好現實。媽媽經常教我,女仔要有覓食能力,對,她用「覓食」兩個字,很動物。 忽:還嬲爸爸嗎? _與父親的嫌隙,要到選港姐時才真正消除。 _與母親感情,一直最好。《蘋果日報》圖片 … Continue reading

Uncategorized

留言集 謝幕西門豹 單立文

From Evernote: 留言集 謝幕西門豹 單立文 Clipped from: http://www.douban.com/note/140154681/ 留言集 謝幕西門豹 單立文 2011-03-16 20:37:32 單立文沒有講粗口,一句也沒有。但他的幽默感,總令人發噱。例如,他會隨手拿起一枝紅酒,然後對着我們拍攝花絮的攝錄機說:「呢枝係吊命酒, Diumeishu……」 香港勝在有單立文,我們因而嘗到很多快樂。 看他演西門慶,或多或少讓你熱血沸騰吧!遇上沮喪失意,唱〈豈有此理〉也算是最佳的宣洩途徑。八、九十後只見他上《超級巨聲》鬧鬧鬧,富娛樂性之餘又袋錢落你袋。最近摒除所有既定框框,成為 now《撳錢》主持,音樂人化身貼士王,都幾匪夷所思。 「香港樂壇死咗好耐喇,唔做其他嘢點生活?」 單立文外號「豹哥」,除了源自英文名 Pal,或多或少人如其名:「性情機敏,嗅覺聽覺視覺都很好,智力超常,隱蔽性強,是老虎獅子所及不上的。」(來自《維基百科》) 下個月便屆知天命之年,從前的西門慶老早謝幕了;換來循循善誘兼四萬咁口的慈父角色,應該還有心有力。唯一死穴,可能只是豹嫂。 由錢入心 眼前的單立文,笑容多,表情多,硬要像一種動物,也可以說是豹,不過應該是頭儍豹。 「做唱歌比賽評判梗係要惡,相反做遊戲節目主持一定要和譪可親,咁嚴肅點入屋?」 他的貼士雖未至於百發百中,但好幾次確是明燈。例如,香港哪區最多老鼠?大部分人答深水埗及旺角,他選灣仔,結果答中了。 「深水埗係多夜店,但唔夠灣仔集中。一到夜晚,老鼠媽媽帶住成班仔女衝呀……」 他賣的,是人生經驗。他肯接受新挑戰,因為相信一個理念。 「我哋表面上係金錢掛帥,實際上係『由錢入心』。依家啲 o靚仔一返屋企就入房打機,唔會同老竇阿媽講句嘢。我哋令一家人坐埋一齊有商有量,唔經唔覺溝通多咗。我好想鼓勵大家多啲親子,依家啲細路,菲傭係阿媽,真係做人阿媽嗰啲只係識問其他阿媽:『你個仔鋼琴幾級?仲識啲乜?游水定爬山?』」 的確有點豈有此理。自從成家後,單立文也很愛家。 「我老婆直頭係我生命嘅寶!」 玩《撳錢》唔識答不妨跟豹哥,命中率都幾高。 柔順劑 「豹嫂」胡蓓蔚在上海土生土長,九四年來港發展,出過幾張唱片,有「翻版王菲」之稱。九七年單立文為她作曲,從此定情。 「佢同香港女仔嘅最大分別,係無咁功利,從來唔會問我收入幾多?有無樓揸手?佢唔會計算別人。」 豹嫂的最厲害之處,是把原本兇猛強悍的野豹變得溫馴開朗。 「我以前好憤怒、好孤僻、好怪雞。少少事就撐到行,講唔掂數就拍枱走人,係我老婆先頂得順我啲臭脾氣。佢似柔順劑,將我啲稜角磨滑。做人係要有自己堅持,但可以放開懷抱,關心多啲其他事,俾多啲愛其他人,無污言穢語嘅說話,其實更容易為人接受。」 單立文一直以為自己是浪子,兩人拍拖十一年後,還是在○八年結婚了。 「喺『磨滑』我嘅過程中,佢硬食咗我好多憤怒,但一直無怨無求。一個女人對自己咁好,唔結婚仲想點呀?」 婚後他變得積極,活躍幕前,也是這一兩年的事。 「佢工作穩定過我,我食軟飯嘛!(大笑)其實佢有鞭策我,所以我都會進取啲,工作量唔可以太落後。」 夫妻如魚得水,唯一死穴,是豹嫂從不看豹哥的三級片。 「佢真係介意,一部都無睇過。」 永遠的西門慶,話時話,當年嘅三級片,製作認真過好多當今嘅港產片。 做《超級巨聲》時其實十分生鬼,不過只限台下。 《賭俠》飾演「侯賽因」(圈),其實都好搶。 過無綫劇,如《下一站彩虹》(圖),不過大家最有印象,可能係《大鬧廣昌隆》嘅「天靈大師」。 六次西門慶 時為九○年, Blue Jeans樂隊剛解散,身為低音結他手的單立文正徬徨出路,碰巧《潘金蓮之前世今生》找他演西門慶,他一口答應。 「我哋有個口號:"Sex, Drugs, Rock n’ Roll"(性、毒品、樂與怒),性跟 … Continue reading

Uncategorized

面對面 蘋果咬一口 錢國偉

From Evernote: 面對面 蘋果咬一口 錢國偉 Clipped from: http://bbs.ent.163.com/bbs/tvb/146312626.html 面對面 蘋果咬一口 錢國偉 合作多年,這還是頭一次,攝影師比我更熱心採訪被訪者。 被訪者是錢國偉,無綫電視綜藝及體育科節目監製,人稱「肥Wilson」、「金牌監製」,更為人熟悉的稱號是「鹹濕肥監製」。 由錢國偉監製的遊戲節目《殘酷一叮》、《美女廚房》、《味分高下》、《耳分高下》以及青春劇《四葉草》系列都是收視保證,夠晒出名。不過,更出名的是,錢國偉被傳03年對第一代四葉女黃婉伶(Race)和戴夢夢毛手毛腳、04年夜召第二代四葉女楊秀惠上房對戲、最愛用改了生果飲品名的制服少女點綴節目,以及身邊總有幾個四葉女或味之天使陪食飯睇戲夜蒲。 目光艷羨的攝影師最關心的問題,也就是所有港男最關心的問題:「士多啤梨蘋果橙,你到底食咗幾多個?」 錢國偉說:「煮到埋口都唔敢食啦!你估我唔驚咩?o依家啲女仔,點知你有冇錄我音?有冇人破門影相?落到樓原來call咗成班記者嚟o架?」 照計,這種「一個都冇食過」的答案,本來不該收貨。 不過,這年頭,o靚模橫行,為上位個個爭住爆大鑊,今天你說被方力申力溝、明天她唱夜店被側田摸……想咬一口蘋果?小心被蘋果反咬一口才真。錢國偉的顧慮,有道理。 但不敢做啫,諗吓,斷估實有! 食唔過 18歲加入TVB,從office boy捱到今時今日堂堂一個金牌監製,25年辛苦建立的事業,今年43歲的錢國偉說,絕不能一朝斷送。 「你唔好以為公司唔理!唔只幕前,幕後人形象都好緊要。梗係有人搵我傾偈啦!啲女幾個月貨仔,我十幾廿年,係唔係先?梗係唔會攞嚟博啦!啲女仔下下主動走埋嚟話同我影相,叫咗佢唔好,第二日已經擺上blog。你擺上blog係好小事,但我會俾人以為又滾咗一件吖嘛!又捱兩棍呀大佬!」 說得是,藍莓香蕉桔就愛在blog晒同錢國偉的自拍,又嘟嘴仔又叫爸爸,親密得叫人毛管戙,很難不惹人遐想:「啲女嗌我做爸爸,喺心理學嚟講,咪唔想蝕底囉!我又要照顧佢,又唔搞得佢,咪醒目囉。你估仲好似粵語殘片咁,人哋一行開,啲女就挨身挨勢投懷送抱咩?o依家啲女仔好醒目o架!搞風搞雨大把計,最緊要上到位,又唔蝕底畀你!」 明明做幕後,錢國偉用幕前人的說法「定型」來形容自己:「做戲我實係麥基、曹查理嗰啲角色,唔只觀眾個個覺得我又鹹濕又變態,身邊嘅女仔一樣,成日驚我想食佢!好似腸粉,第一份工,好純好純,夜晚叫佢去function,幾驚呀,話夜、阿媽唔畀喎!好多人羨慕我,唉,有苦自己知啦。食又未食到,俾人鬧就鬧咗幾年。」 啲女嗌我做爸爸,喺心理學嚟講,咪唔想蝕底囉!我又要照顧佢,又唔搞得佢,咪醒目囉。 唔係玩 生得肥頭耷耳眼細細,頭髮微鬈笑起來還有酒渦,左看右看,錢國偉真的如他自己形容,典型一副鹹濕中坑模樣。再加上出名愛夜蒲,去到邊都梗帶住三五七個味之天使傍身,貪玩識食形象深入民心。 「唔係我真係鍾意玩!點解我同鄭伊健friend,因為我哋兩個都係嗰啲可以留喺屋企打十幾個鐘機嘅人吖嘛。o依家時代唔同,節目唔係做完就算,都要帶埋啲女仔多啲曝光,宣傳好緊要。」宣傳不是公關的工作嗎?「我覺得一個成功綜藝節目,個監製唔親力親為唔得!好似台灣嘅綜藝節目,製作人都可以係皇牌!棒棒堂經理人(人稱Andy哥)都可以有fans!時代進步,我哋真係要做多啲嘢。我又未結婚,跑得就跑啦!」 玩得有道理,錢國偉把一拖三五七條女亦講到合理化:「淨係帶一兩個出去玩,實俾人話我會食咗佢!一次過帶晒八個出去,斷估冇人以為我食得晒八個喇啩?」 說起大行其道的o靚模文化,錢國偉相當自豪,說是自己率先從日本、台灣綜藝節目引進起用大量性感制服少女做布景板,才造就o靚模存在。我倒覺得,一個二個有名有姓的少女,去到錢國偉手上都成了粥粉麵飯生果飲品,讓人人都有了「容易食」的錯覺才真。「改啲代號,都係為佢哋好。英文名喎,全世界有幾多個阿May呀?我個節目係講食物,順理成章咪改個食物名。一次過帶八個女仔出嚟,叫自己名喎,你試吓一次過讀出嚟聽吓?o依家士多啤梨蘋果橙、梳打奶茶忌廉賓,啲細路當歌仔咁唱!件事靚喎,又唔係豆豉薑葱,絕對唔會唔尊重佢哋。」 06年在第一輯《美女廚房》勝出成為美少女嘅廚神,07年再起用做《味分高下》嘅梳打,JJ賈曉晨,正是錢國偉一手捧紅。 錢國偉愛蒲,逢蒲亦必定帶住大班女仔:「飛來蜢就冇,但無啦啦多咗好多男仔搵我玩,以為我一定多女仔介紹嘛!」《忽然1周》圖片 監製的節目有收視有口碑,還是台慶「最佳綜藝資訊節目獎」常客,06年,錢國偉就憑第一輯《美女廚房》得獎。《忽然1周》圖片 同鄭伊健自《430穿梭機》時代相識,窮到試過一個飯盒兩份食,兩人至今仍是老死。《忽然1周》圖片 一殼淚 被全世界當鹹濕佬,錢國偉唯一欣慰的是,家人和朋友信得過佢:「我喺西環長大,阿爸喺中環擺檔賣眼鏡,阿媽係家庭主婦,對落有兩個妹。唔好睇我由細喺女人堆長大,屋企人同朋友最明白我:『肥仔?得個樣啫,真係有個女仔送上門,就到佢驚啦!』睇相佬都話,我桃花多,但真姻緣好遲至有。」 舊緋聞女友陳自瑤都公布了和王浩信的新戀情,承認心儀過的第一代四葉女之一的姚子羚則追求不成,對上一個05年落選港姐女友都嫁埋人,錢國偉說4年感情空窗的他,其實很寂寞。「女伴或者one night stand,可能得,但女朋友,我唔信會因為工作關係換到返嚟。我拍拖,試過幾次俾人一腳踏幾船。係工作令我冇得揀。到o依家,我都覺得唔可以怪啲女仔。做電視呢行,興趣多過賺錢,大時大節要開工,又下下要同廿個港姐出trip拍外景。返到香港,咪俾我撞破佢同第二個囉,仲要係我朋友添。講起以前拍拖嘅嘢,我次次都眼濕濕,不過冇人信……我對愛情仲好有憧憬,所以我咪拍到《四葉草》囉。我鍾意煲愛情劇o架,尤其係韓片。最愛《我的野蠻女友》,有個男仔咁鍾意女朋友、咁願意為佢犧牲,我好buy……我拍起拖上嚟都係咁……不過都係冇人信o架喇。」 合作過的巨星無數,錢國偉對90年代性感女神葉玉卿讚不絕口:「o依家o靚妹就易搵,但有女人味又有內在美嘅,就好少遇到。」 92年第一次被委派為香港小姐遠赴瑞士拍攝外景,就要單拖帶200人大隊,黎明做嘉賓,是錢國偉的處男大project。 女伴或者one night stand,可能得,但女朋友,我唔信會因為工作關係換到返嚟。 信不信由你 緋聞多籮籮,錢國偉唯一承認真的追求過的,是第一代四葉女姚子羚(右一)。 整個訪問過程,錢國偉重複最多的一句話是:「講咗,又係冇人信!」 不論士多啤梨蘋果橙,一個都冇食過;還是入行25年,飛來蜢一個都沒遇過;抑或自己其實唔花弗很專一,錢國偉講完都有一句包底:「講咗,又係冇人信!」 「你哋睇我繽紛,其實我返到屋企一個人,好down,真係好down。返到公司同人講,又係冇人信:『你晒命啦!你畀番錢公司啦!』 心嗰句,其實我最易信人。不過這次,不相信錢國偉的,我估是他自己。 Continue reading

Uncategorized

cover face 快樂 原是這樣簡單 蔡卓妍_O.P .E.N_百度空间

From Evernote: cover face 快樂原是這樣簡單 蔡卓妍_O.P.E.N_百度空间 Clipped from: http://hi.baidu.com/xiaoyujimes/item/9b28076f447054147ddecc3a cover face 快樂原是這樣簡單 蔡卓妍 me! 100 永恆的道理一定最老土。 例一:「讀萬卷書不如行萬里路」。 諸如一眾向世界出發過的藝人,到達彼邦例必搵番自己,表白一輪,自催/催人熱淚。 至於剛去過丹麥的阿Sa,表白倒不必,但也真正領略到「老土才是永恆」之例二:快樂源自簡單生活。 阿Sa說:「丹麥人活得快樂,因為他們注重家庭生活,懂得分配時間;作息有時,又不在意物質生活。」 言下之意,我等活在相反模式下的香港人,合該困苦? 「香港人注重物質生活,都有快樂之處。懂得努力爭取,把握機會,一樣很快樂。」輕描淡寫道破港人命運。 丹麥人之所以快樂,因為活得有安全感。 他們有一個對金融海嘯出手快狠準的政府,自救之餘,幫埋鄰國冰島。 好在,我香港人,都仲有份不屈不撓的打拼精神,根源唔同,一樣值得快樂。 Profile _History︰1988 自細受盡父親溺愛,孩提時代已十分有表演慾。《壹週刊》圖片 _1990 從小學芭蕾舞,因此初出道時,表演招牌側手翻自然冇難度。 _2001 處女作《青春@Y2K》播出期間已在少男圈子中火速爆紅。《壹本便利》圖片 CharleneChoi蔡卓妍 出生日期:1982年11月22日(天蠍座) 出生地:加拿大溫哥華 身高:5呎4吋 體重:100磅 語言:廣東話、普通話及英語。 簡歷:15歲做雜誌模特兒,18歲拍港台劇集《青春@Y2K》後簽約英皇。01年與鍾欣桐組成Twins。02年開設時裝店,發售二手衣飾及外國品牌為主。07年在韓國一電影節憑《妄想》首奪影后;同年憑《戲王之王》於香港電影金紫荊獎獲封影后。 主要作品:(唱片)《Makeawish》(2008);(電影)《自從他來了》(2000)、《常在我心》(2001)、《武俠梁祝》(2008)。 經理人公司網頁:http://www.eegmusic.com/artists/ 簡單分享 阿Sa提及的「快樂」,似乎都是我們手到拿來的事物,但出自她口中,又多了一番深意。 「以前做學生,可以好懶,連續三日都得;但作為一個藝人,有時候,會三日都冇得。 「所以簡單就是快樂,這是很個人的感覺。我覺得,凡事只要少一點複雜,人就自然快樂。我很容易滿足,能夠做自己喜歡的事,小至同朋友或家人一齊食飯、傾偈,已經很愜意。而且,要懂得跟別人分享快樂,透過分享的過程,得會更多。」 不過,阿Sa強調分享的對像,必須係「識得人」。幸好,我這三唔識七的,都有幸分享到其襯衫之樂。 「買衫快樂,但襯衫仲快樂。因為mix&match是一種經驗和學問,我會隨當日的心情,隨意穿上喜歡的服飾。披披搭搭的layers、不同的顏色,都可以配搭出不同的風格,而且,未必一定要複雜才叫做『襯過』,簡單一件橫間tee襯對橫間手襪,都可以好靚。」 Tell me… 因為安徒生,丹麥素有「童話世界」的美譽。事實上,根據早前「AFS國際文化交流」的調查,丹麥人在100個國家中,是最信賴國家、滿足於簡單生活及對環境安心,因此,這位於北歐的富裕小國,人民的快樂指數最高。 後記 除了安全感,信任度也是成就幸福原因。「老土才是永恆」之例三,溝通互助,建立信任。呢,即係地鐵廣告都有教,「一切為人做好」,奧巴馬話齋,美國只有一種人,就係美國人,世界無分膚色種族,和平共融。大家齊過好生活,快樂,就係咁簡單。 Charlene’s choice 「格仔長身恤衫今季大行其道,我最鍾意bossini這件黃×黑×白色格仔恤($199),簡簡單單加條skinnyjeans或者leggings已經入型入格。另外就是粗冷冷衫($699),顏色同pattern都好靚,易襯又保暖,冬季必入。」 … Continue reading

Uncategorized

面對面 安全地帶 梁雨恩

From Evernote: 面對面 安全地帶 梁雨恩 Clipped from: http://hi.baidu.com/xiaoyujimes/item/28833d2527e0f3f950fd870e 面對面 安全地帶 梁雨恩 face 033 李卓庭叱女新人金獎,網上有人話唔知佢係乜水,連名同歌都未聽過;鍾舒漫銀獎,又有人戥佢唔到金獎而不值;銅獎梁雨恩,冇人質疑冇人妒忌冇冷味,後排中間位置,可能亦係最佳位置。有份上台又不用捱競敵fans炮火的安全地帶。 「咁,李卓庭金獎都合理,唔可以抹煞任何人努力。」江若琳冇到?「咁,商台講播放率,好講DJ個人喜好,但係電視同其他台,我都成日聽到佢歌呀,都好聽。」3年前一邊讀中大一邊半出道,直到月前畢業才出碟,22歲梁雨恩說話極老練,唔似新手駕駛。唔會淨係「係咩係咩都係」,幫人墊底之餘又唔會親第二個,穩穩陣陣又兜一個彎。 本屬只有一個師姐官恩娜的細公司BoombeatMusic,唱片卻由岳少的東亞發行兼宣傳,目標已經係:「家準備緊第二隻碟,希望會多人鍾意。」再唔係,仲有個中大酒店管理學位鋪後路,「可能比其他人多少少選擇。」 唔搏唔覺,今年女新人中可能未係最突出一個,但也算是最穩紮一個。 甜到漏 _只得商台撐的李卓庭(左)爆冷叱金,鍾舒漫梗頸二(中),梁雨恩話:「緊頒獎禮預冇先啦,唔想失望,會當去個party玩咁。」 _出道時已有師姐官恩娜傍住,「我陣成日行街唱K,」咁friend,咁知唔知……「我唔會傾呢!都係girl’s talk。」Girl’s talk?咪。《蘋果日報》圖片 我懷疑新人入行好像考會考,唱片公司等於補習社,預先派定pastpaper印定modelanswer背熟做訪問,包冇衰。梁雨恩會考27分,背書應該好叻,卻原來讀理科,頭腦靈活有道理,雖未至於妙語連珠,卻起碼不是「唔介意好壞意見都接受但求自己有努力有付出」,對答有紋路。 再講傳聞跟經理人轉會時被BMA老闆羅傑承評為「蝕本貨」:「首先我諗呢句唔係個老闆講,不過篇報道搵我同周麗淇同關心妍去比,太抬舉小妹喇。」 提到拍拖,官腔之餘都無端端讚一讚前輩李克勤;講到緋聞,亦識做地帶師姐官恩娜到此一遊。「我都想拍拖呀,但家冇人追。公司冇明確話唔好,淨係叫我唔好沉迷。之前俾人影到個係朋友(被拍到和有線娛樂台扑咪仔食飯),如果係真,俾人影到咪認,藝人都有私生活都要拍拖結婚嘛。如果鍾意我歌迷都唔會介意我拍拖,我覺得李克勤結婚咪仲型!」 「師姐(官恩娜)多緋聞?我桃花運冇佢咁好,佢形象性感嘛,自然多桃花啦,證明佢形象塑造得成功。我同佢感情好好,佢都有教我點樣同記者相處呀、點樣同其他藝人相處。」口甜舌滑唔驚爛牙,但,跟師姐學待人接物似乎學錯師。 上年9月梁雨恩被本刊拍得和有線娛樂台記者Bear到日本料理食飯,「大學同學咋!以後都要小心,even約佢都要約多個女仔,我自己係artist唔緊要,我怕影響到我朋友。」 大學生 _入大學先知大把人叻過我!正如我入行以來都唔敢覺得自己靚女,邊敢認呀? 香港地愈來愈多大學生,偏偏娛樂圈少女入行唔使急最緊要快,中學未畢業大學未讀完都要入行先講。好彩,梁雨恩入行時遇到經理人陳乃顯,容她學業為重,還說如她不能畢業便不會簽她。 「Year1暑假時個uncle介紹下識到佢,我媽咪本來好反對我做歌手,但聽見我經理人叫我讀埋書先入行才改觀。所以人話佢遺棄我(其經理人過檔BMA唱片,卻沒有帶走她),點會呢,佢係我哎老豆,我祝福佢!」 咪睇梁雨恩黑黑實實又以為係街童化身,其實梁雨恩推遲3年正式入行,係為完成中文大學學位,明顯有條康莊後路,她還說讀書好處,小朋友,留意喇。 「其實讀大學真係令我成熟。中學陣,成日覺得自己讀書好叻,好有自信,係入大學先知大把人叻過我!正如我入行以來都唔敢覺得自己靚女,邊敢認呀?次出席活動見到吳佩慈,嘩,靚到!比我更靚比我更長腿大有人在! 「而且家我慢慢覺得讀書對呢行都有用,我記得有首歌周耀輝寫畀我(〈到處都有傳奇〉),份詞全首都係張愛玲小說,如果我唔係大學睇過呢本書,我會冇咁明白呢首歌詞意思、冇咁投入。我讀酒店管理,講緊係點樣同人相處同人溝通,仲有好多關於旅遊業知識,或者我第時有機會拍旅遊特輯呢,又或者拍《酒店風雲》第二集咪可以搵我做樓面!」 _《忽然1周》圖片 有幾多個後生女會話鍾意李雲迪?「我好記得訪問佢日係中秋,本身我放假,但聽見訪問李雲迪我假都唔放,好想見佢。第時男友最好似李雲迪咁,我好欣賞識彈琴男仔,點都係識音樂好。」使乜似,男未婚女未嫁。 高純度 _05年時,出道冇耐的Cathy和蔣雅文(中)、鄧穎芝(左)合照,陣Cathy好白,蔣雅文同鄧穎芝好黑,只有嘆黑不逢時。 _我諗我都算係乖類。 今年女新人中,鍾舒漫係熱舞型格黑妹,李卓庭好像是實力派,江若琳係玉女。咁,梁雨恩係邊個門派呢? 「我諗我都算係乖類,中學讀石硤尾銘賢書院,會考都算好成績,ALevel冇會考咁好,兩個B。」講完讀書成績,到拍拖往績,「中學年代事喇,初戀係中二、三,拍一個禮拜左右,手都冇拖過,最親密係背貼背坐過一次咁多。第二次都係同學,中四,拍拖都係行街睇戲,不過分手分得快,一個月唔夠。」 如屬事實,梁雨恩純度極高,屬A++,全靠現已退休的梁媽媽梁爸爸管教嚴厲,「我記得第一次自己出街係12歲,晨早去同學仔屋企玩,天黑前返屋企隻。夜街都差唔多16、7歲先去,次都係返教會夜晚聚會,都要12點前返!就算家,我都好少社交活動,我唔係好鍾意出街飲,我朋友約出街都係晏晝,去睇戲唱noonK咁,所以除工作好少有機會接觸男仔,咪冇人追。」 仲有!「次去布吉影比堅尼相,我之前從來都未過,都有心理關口要衝破呀!」 我又要講多次,咪睇佢黑黑實實,原來,佢都練玉女劍法。 42吋新人 各有特色。 鍾舒漫,「我就覺得我同佢唔係好似,佢跳舞時動作可以好man好放,我又唔得。」 江若琳,「江若琳靚女,但風格歌路同我都唔係好同。」 看梁雨恩之前的訪問,被問到有咩特色時,她說是42吋長腿,「講笑,邊係!雖然我知做歌手,尤其新人,外形好緊要……所以,我都盡量滿足大家喇,各花入各眼啦!」 個人觀感,梁雨恩的特色是早入行,談吐絕不幼稚,始終3年前已入娛樂圈,只是07年才出碟選新人。 所以,我成日以為鄧健泓應該被納入08年新人之列。 Continue reading

Uncategorized

cover face Mandy Lieu 隨緣

From Evernote: cover face Mandy Lieu 隨緣 Clipped from: http://hi.baidu.com/xiaoyujimes/item/72acb52cc9373e8e6e2cc30d 告訴攝影師Mandy來拍封面,他問:「邊個Mandy?」我答:「啤妹」,他即眼睛一亮,我再補上一句:「即是陳柏霖女友。」他卻只是「啊!」了一聲。 我想大家對Mandy的印象,跟攝影師哥哥差不多。她和陳柏霖拍拖,沒有樂基兒和黎明,或熊黛林跟郭富城般轟動,但可以擁有更多空間,我估Mandy應該更樂得清靜。 這條白色針織裙設計概念源自聖女貞德,高貴在千絲萬縷的吊飾和細緻的手工。 白色綴銀圈針織連身裙$14,100Dior 銀灰色charmsnecklace(未定價)HarveyNichols 平時多素色打扮,這回一襲彩色鏡片連身裙,她說:「著上身後原來會令心情愉快呢!」 彩色圓鏡片鬆身連身裙$12,900MatthewWilliamson 彩色民族珠鏈$1,700SophieKyron BothHarveyNichols Mandy最愛這襲紫色喱士tubedress,雖然緊身,但正可突顯女性線條美。 粉紫色喱士tubedress$10,900LeFrancFerrantParisfromHarveyNichols 靚版 4年前,剛18歲的她在馬來西亞一邊讀書一邊當兼職模特兒,因為好奇,便隻身來港,接拍了一個銀行廣告,當時廣告一出街,即被人形容為「少女版韓君婷」。她帶點疑惑的語氣說:「似咩?」我即答:「都幾似,不過是後生靚版!」她即時笑得很甜,沒有反駁我,似乎又不介意做靚版影子。「其實我不介意別人點稱呼,我做番自己,模特兒又不是明星,點都係一句。」 新人要讓人留下印象,總得給她一個影子稱號,人紅了就自然會有自己的風格。 福份 說她似韓君婷,其實只是輪廓有幾分似。Mandy給我的感覺是文靜鄰家女孩,可以說得上是典型的乖乖女,斯文有禮,談吐溫文,懂彈琴,又會跳芭蕾舞,愛看書和電影。如此內向卻選擇入行當模特兒爭妍鬥麗,不會很輸蝕嗎?「我都不會同人爭,我喜歡扮靚,而且做model可以有很多自由時間,做自己鍾意做的事。我冇諗過做model可以做幾耐,又或者將來有乜打算,總之一切順其自然。」 好一句順其自然,不強求,沒野心,或許是一種福份。 History _外形出眾,在馬來西亞讀書時被學校選中為舞蹈表演宣傳海報當主角。 _除了學鋼琴,Mandy亦一邊學跳芭蕾舞,這是小時候表演《天鵝湖》時留影。 _從三歲開始便學彈鋼琴,現在已是八級高手。 _與周星馳合作拍的生力啤放狗篇廣告,令人對Mandy留下深刻印象。《忽然1周》圖片 _Mandy個子不算高,但勝在樣子甜皮膚靚,為她帶來不少首飾及化妝品的job。《蘋果日報》圖片 _以一身密實的黑色打扮出席時裝品牌派對,一樣引來大批記者拍照。《壹週刊》圖片 饞嘴 模特兒訪問得多,發覺她們大多有自己一套健康的飲食習慣來keepfit及保養。心想眼前皮膚極滑溜,身形亦相當勻稱的Mandy一定很注重飲食。追問下,卻發現她除了堅持每天飲一杯新鮮果汁外,其他飲食都非常隨意,即是鍾意食乜就食,幾時食就幾時食,絕對冇忍口,認真羨慕死人。「我自己一個人住,又唔識煮食,但很喜歡吃,所以每天想食乜就食,冇理食乜會肥,總之要食得開心。」那她一定狂做運動keepfit啦,都錯!「我淨係鍾意行路,咁行路算不算是運動?如果不是太遠我都會選擇行路,行好多路都唔會。」噢!原來行路都可以瘦,咁各位女士記住以後不要動輒就伸手坐的士喇,有辦你睇呀! Behind the scene _我發現一臉素顏的她與化妝後的她都一樣美。 _在化妝整頭的空檔,Mandy不時傾電話,笑得很開心,不知是不是男朋友陳柏霖呢? _拍照要穿4、5吋的高鞋,一到影closeup時,她即時醒目地脫掉鞋子,「赤腳舒服得多。」 _知道拍攝封面照得花上半天時間,Mandy有備而來,自備健康果汁及小說。 攝影:RaySiu 接近膚色的雪紡連身裙,優雅密實的剪裁卻有種若隱若現的性感。 Beige色雪紡長袖連身裙$14,100 金色peeptoe高鞋$3,900 BothDior 金色鎖鏈短頸鏈$1,200R.J.Graziano 金色鎖鏈長頸鏈$1,200Barrera 金色綴水晶粗手$3,900Barrera AllHarveyNichols 今年JohnGalliano入主Dior十周年的設計,一反funky玩味,反而以earthtone及femininestyle為主。 杏色喱士綴金屬連身裙$26,000 金色peeptoe高鞋$3,900 … Continue reading

Uncategorized

豪語錄 添丁望發財 王浩信

From Evernote: 豪語錄 添丁望發財 王浩信 Clipped from: http://bbs.ent.163.com/bbs/tvb/241826346.html 豪語錄 添丁望發財 王浩信 人年紀大,記憶開始似曾相識,同樣場景,發生於六年前,我寫下自己亦難以置信的好心《豪語錄》: 兩個準爸爸談得更不知人間何世了。 ——《張智霖?最佳進步獎》 2006.8.31 龍女豈不比狗 B更矜貴?但何解,這個下午,我提問綿裡藏針,王浩信回答處處戒備?應該無關緋聞所累, Chilam和靚靚的數簿還薄嗎?如果嫌奉子成婚,當時張智霖尚未宣布已與袁詠儀註冊喎;王浩信娶陳自瑤,好歹大鑼大鼓呀! 2011年 11月 11日 11時 11分,在廣東道 1號 11樓斟茶禮成,十三條 1的新人挖空心思圖吉利;娛樂新聞挖空心思攞景贈興,先傳新郎曾被 Cammi集郵,再傳孕媽媽曾被富豪包養…… 人口老化、出生率低、剩女過剩,香港不知不覺中推崇晚婚晚育, Vincent( 28) YoYo( 30)以前係適齡,現在係過早。最好,像楊千嬅、陳慧琳、朱麗倩,愈老蚌生珠愈備受祝福。但誰又會計較霍啟剛算否早婚?歸根結底一句,斯文地講,大眾關心你倆未夠事業基礎嘛? 王浩信嘆道:「你舉的例子不叫事業基礎,叫事業奇跡。」 王浩信,將為人父剛攀上男主角(《換樂無窮》);陳自瑤,走慣《四葉草》少女路線。養兒八百萬,都得重新思考定位。 而我的轉變,在於這六年來逐漸深明:添丁,請先發財。 心理測驗 孩子,我諗,二十歲之前有好多嘢你不明白爸爸點解要咁樣做。 開場白是這樣的:兔年發生許多事情,難忘哪幾項? 王浩信尋思一陣答:「生肖上我老婆犯太歲,但似係我犯多啲,有好有唔好,一年內經歷晒:結婚、將會做爸爸、第一次演舞台劇、第一次在劇集擔吃重角色、還有那些緋聞。」 我故意任他自由發揮。據說,排序先後能反映當事人潛意識裡的價值觀比重,所以依次是愛情、家庭責任、事業,而數到最後的緋聞大概代表名譽。 王浩信恍然大悟:「幾準吖,我巨蟹座男人,重視家庭,結婚和生育對我而言是一件事,因為真同時出現——比預料中早了兩三年,本想等事業再穩定啲先,但既然已視 YoYo為對象,有咗小朋友,便結婚吧。對,接着是事業,然後才名譽。」 王浩信○五年以卡拉 OK新秀出道,香港唱片業水尾中。「當年仍有側田式的奇跡,但奇跡沒發生在我身上,很快轉做 8仔( TVB8)主持,任務係訪問吓歌手囉,咁我覺得自己嘅身份又係咩呢? 「一出道就做歌手會縱壞一個藝人,公司安排一切化妝整頭音樂,突然間失掉,被冷落不知所措。做電視台才是磨練,每次有劇出街都似考牌。《換樂無窮》後,我又有些戲並非男主角,現階段仍比較飄忽。」 懷念唱歌萬千寵愛? 「近來唱歌機會反而多,過往做歌手靠免費商場 show谷宣傳,這一年有了知名度,登台才是搵真錢。」 《換樂無窮》演闊少爺,監製揀他氣質神似。王浩信說:「小康吧,以前就真係……十六歲前,我在一個富裕的大家庭長大,九七年因金融風暴風光不再,搬開晒住。那時我在美國唸設計,加上媽媽生癌,只好輟學回港,接些 freelance做,晚晚播着 i-tune聽歌一邊電腦砌稿,朋友說我愛唱 K又靚靚仔仔,不如上去 Neway … Continue reading

Uncategorized

留星語 – 後援 周柏豪

From Evernote: 留星語 – 後援 周柏豪 Clipped from: http://dev.eastweek.com.hk/index.php?aid=10552 周柏豪說,他很喜歡接受專訪,因為在過程中,他可以暢所欲言,說一些電台或電視台必定不會播放的內容。 我不太清楚電台或電視台,怎樣去選擇播放一位出道只有四年的歌手的訪問內容,但我想,至少最大的分別,是柏豪跟那些媒體的對談中,應該不會把「爹哋媽咪」經常掛在嘴邊。 的而且確,一個才廿五歲的藝人,願意在一個篇幅有限的訪問裏,把一半或以上的版位留給父母,是有點匪夷所思的,況且,他的父母並非甚麼達官貴人或明星,明明這是一個讓人認識自己更多的地盤,不是應該趁機把關於自己的一切,如數家珍般有咁多講咁多嗎? 事實上,柏豪在這個訪問中並沒有吝嗇地說他想要說的,只是,最近指他追求何家兩位千金超蓮和超雲的花邊新聞,相對於他從前所經歷過的人生大事,已經是小巫見大巫了,要不是有他的父母做精神支柱和寄託,他今天應該不能從叱咤觀眾席的最後一排,走到台上面對觀眾。 「旗幟下有着你支撐我 其實你付出的一樣多……」(〈後援〉) 後援,是他最新派上台的歌曲名字,他說,這歌是為支持他的人而寫的,但聽過他所說的,我認為,這個名詞還是最適宜留給他的父母。 柏豪父母年輕時的照片。 因為跟何家兩千金超蓮和超雲傳緋聞,周柏豪最近成了娛樂熱話。一時說他追家姐超雲,一時說阿妹超蓮到籃球慈善賽撐場,令他即時狀態大勇。傳得七國咁亂,柏豪說,這件事他答得很攰,只想炒作盡快完結。 我和她們兩姊妹只是好普通的朋友。 那場跟黑人(陳建州)他們打的慈善賽,報道出來結果是因為周柏豪傳聞追女仔而上了娛樂頭條,對超蓮、大會和我都好唔公平!黑人佢哋咁辛苦由台灣飛來香港打場波,目的是叫人珍惜生命。阿妹(超蓮)來看,是要捐錢的;話我因為她來撐場而狀態大勇,事實上,我下半場熱咗身,是打得好了,但我唔係因為知道佢嚟咗囉,打波點會知道邊個嚟咗呀?一陣又話佢神秘出現支持,喂!嗰度一百個傳媒攞晒相機喺晒場邊,有嘢嘅話,咁都夠膽嚟,咁都話神秘,唔好玩啦! “我高攀唔起呢兩位千金,我自己嘅嘢係唔會靠人哋!” 柏豪跟家姐超雲,只有過兩面之緣,結果被炒作為追求對方。 何超蓮捐錢看慈善籃球賽,結果因為跟柏豪的緋聞成為了焦點,令柏豪很無奈。 我是認識超蓮在先,因為我們有一些共同朋友,每次我有一些event,她都會很支持,然後在很多活動都有碰過面,咪交換contact,在微博互相問候吓咁囉,結果就話我哋微博傳情!如果啲嘢咁唔公開得,我哋都唔會喺微博度講啦! 至於超雲,都是因為去年九月超蓮介紹她來看我的舞台劇,我送了張碟給她,咪咁識囉。然後在一個活動上再跟她碰到面,才是我第二次見到她,到現在暫時都只有見過兩次,就被炒作成我追佢。 傳緋聞這件事,我有跟她們傾過,大家都覺得好好笑。在她們的立場,她們不是藝人,沒有需要澄清;但回答娛樂新聞是我工作一部分,記者朋友成日問我跟她們有沒有機會發展,真係答到攰,然後仲炒作到話我追唔到阿妹轉追家姐……所以我有一個好明確的答案要話大家知:我係唔會(同佢哋拍拖)嘅! 我想快啲完咗呢件事! 另一個令他想此緋聞盡快完結的原因,是因為他和家人曾經經歷過非常窮困的日子。苦捱過了,父母教曉他甚麼叫自力更生,甚麼叫做窮得有骨氣! 我唔想人睇完呢啲炒作,覺得我特登埋佢哋堆,黐埋佢哋屋企,更加唔想我屋企人因為這些無中生有的傳聞而聽到閒言閒語,好醜怪! 我高攀唔起呢兩位千金,我從小到大都是自力更生的人,亦都好想有能力照顧屋企人,我自己嘅嘢係唔會靠人哋! ○○年金融風暴前,屋企住廉租屋,我爸爸做手袋生意,唔需要擔心生活;到金融風暴時,一個浪冚埋嚟,咩嘢都冇晒! 那時屋企剛買了居屋,供樓都一萬蚊,我三兄弟仲讀緊書,得我媽媽一個工作,每個月搵得五、六千,爸爸失咗業,惟有靠碌卡維生。我媽咪的車牌,因為那時連一千蚊續牌費都拿不出來,所以就冇咗;有次我想用五蚊來抽扭蛋玩具,都要掙扎十分鐘,因為那五蚊,或者可以用來幫屋企…… 小時候的柏豪(中),跟家人住廉租屋,但生活無憂。 爹哋是我一個很好的榜樣!縱使那時他失業,但每朝總會起牀為我們煮早餐,他說,他一定要每天keep住身體機能來保持準備狀態,萬一第二日突然有工作機會,也可以即刻返工! 媽咪告訴我,爸爸由投身社會開始,一直對身邊的人好好。做生意經常欠來欠去,就算還了錢後公司會摺,我爸爸都寧願還錢畀人,摺咗間公司;正是因為他有信用,有義氣,他的朋友一有機會都會幫佢。 雖然爹哋現在已經有番自己生意,屋企環境已好番好多,但到現在,我媽咪有時想起那段日子都會喊,因為生活真係好苦! 柏豪曾經當過模特兒,一切很順利。正打算轉型成為藝人,跟鄒世龍的Starz People簽下經理人合約之際,竟然暗瘡大爆發! 本來我對自己好有信心,結果一爆瘡就好嚴重,直情係爛面,爛到洗面都流血!去見電影公司或廣告Casting,人哋見到我塊臉都唔敢搵我做嘢!我即刻冇咗好多機會,亦因此,我患上了焦慮症,會聽到怪聲,唔鍾意出街,有九個月沒剪過頭髮,三個月沒剃過鬚,一直匿埋喺屋企,好古怪,唔想改變自己!睇過一次心理醫生,最後媽咪叫我唔好再睇,唔好依賴精神藥物,因為一食就冇得返轉頭。 Stephen(鄒世龍)知我五歲時學過鋼琴,對音樂很有興趣,亦有些認識,便介紹我到陳光榮的Studio做o靚,學習音樂製作,學寫歌,學結他,沒有收入的,所以當時的我真的很自私!因為家裏仍然很窮,我應該去打一份正正經經的工幫屋企,但爹哋媽咪卻沒有埋怨過我。 在Studio做了差不多兩年,好開心,令到我乜病都好番晒!焦慮症又冇晒,皮膚都好番晒,Stephen見我有時會為陳光榮唱唱他所寫的Demo,或是電視廣告的Jingle,便提議傾唱片公司,一傾就成事,拿拿臨就錄音,一切發生得好快! 成為歌手踏入第五年,外界看來,柏豪從出道以來,一直平平穩穩無大風大浪。然而,作為當事人的他卻坦言,入行頭三年,感覺很迷惘。 出道後第一至三年感覺最辛苦!那時我成日都好心急、好緊張,給了自己好大壓力,又好怕做訪問,好驚自己講錯一句就會死! 每逢出糧都好大壓力,總覺得做咗咁耐都仲係咁嘅?可能我的收入已經比我同年紀的人好,但我覺得自己應該可以得到更多,好唔甘心,看得自己太高,總是覺得付出了這麼多努力,點解都唔得人肯定呢?每到年尾頒獎禮,我沒甚麼機會上台,然後就會諗:咁就一年咯。 叱咤頒獎禮上,柏豪感觸良多。「從台上望過去,才知自己走了這麼遠!」 坦白講,那段日子我有諗過放棄!後來有行內人提議我,既然音樂冇乜突破,不如轉為拍戲,我明白對方想為我好,但我聽後反而好唔忿氣,我唔想被人睇死! 去年,加入樂壇第四年,我廿五歲,突然覺得自己諗通了,開始明白我之前一直在播種,開始視我的工作為娛樂,就如我爸爸喜歡手袋,所以他做手袋生意,從來都唔覺得係返緊工。然後我的工作機會多了,收入也多了,亦可以站到叱咤的台上,感受到自己被人肯定了,望去我坐過的最後一排觀眾席,才知自己走了這麼遠。 我從小到大,爹哋媽咪都叫我要知足常樂。有時,我知道自己擁有了很多,會開心到忘形,但當靜下來時就會提醒自己要知足,亦要告訴自己其實已經很幸福。 為港台拍了兩輯《有房出租》,程朗一角,令柏豪即時「入屋」,得到很多觀眾心。 去年另一個新嘗試,就是演出舞台劇《我不要被你記住》。 捱過苦的孩子,對人對事的觸覺總會特別敏銳。 因為受母親的影響,表達能力相當強的周柏豪,也愛上了拍照,用相機甚至是iPhone把他所看到的、有感覺的畫面,都定格下來。 「在我小時候,屋企環境仍然不算壞時,媽咪買了一部二手Ricoh,經常帶我們到公園幫我們影沙龍……所以,我好想同媽咪去旅行,好想快啲有能力買間屋,可以同爹哋媽咪和婆婆一齊住,因為我現在很少時間陪佢哋,好內疚……」 他母親那時候為他所拍的,都是一些快樂的片段;至於柏豪所拍下來的,你又看到了甚麼? 母親當年為小柏豪拍下的公園沙龍照。 柏豪鏡頭下的 … Continue reading

Uncategorized

留言集 四面楚歌 關楚耀

From Evernote: 留言集 四面楚歌 關楚耀 Clipped from: http://hi.baidu.com/xiaoyujimes/item/b568c810b8e1a67a7b5f253b 留言集 四面楚歌 關楚耀 sudden 711 先此聲明,截稿這天(3月10日),關楚耀仍身在日本,這篇訪問是在他出事前做的。 正確點,是去年年尾做的,當時他與謝安琪合唱的〈四面楚歌〉大熱,估計會在四大頒獎禮分一杯羹,訪問正好錦上添花。 結果,我估錯,〈四面楚歌〉食白果。 正暗自惋惜一篇訪問將變罐頭之際,忽然爆出關楚耀與衛詩日本藏毒被捕。 作為記者,訪問能重見天日,當然值得高興;但每當錄音機轉出關楚耀娓娓動聽的聲音,如:「我會珍惜機會,唔會玩、唔會蒲,希望唔會整臭契爺(譚詠麟)個朵」,我心總是不其然地發毛。 錦上添花不成,這種情況下奏起的四面楚歌,相信誰也沒有想到。 你識黎明? _○六年的男新人不多,只有鄺祖德、關楚耀、王浩信和許懷欣(左至右),關楚耀要彈出,實非難事。 「爸爸跟契爺是親密戰友,我在媽媽肚的時候,契爺已說,不論仔女,都要契我。」 關楚耀父親關維麟,曾任職寶麗金唱片,八十年代譚詠麟瘋魔一時的唱片,都是關維麟監製。 「即是等如現在張敬軒和我的關係,將來軒仔結婚生仔,我都要跟他兒子或女兒上契。」 說得輕鬆,關楚耀大概未真正領會到作為「譚校長」契仔背負的期望。 「我兩歲時已正式跟契爺上契,擺過幾圍酒。」 父親的工作關係,關楚耀自懂性便在明星堆中成長。契爺是當時得令的巨星,其他歌星出唱片,關楚耀總收到寫有自己名字上款的親筆簽名碟。 「下款通常是(張)學友哥哥、(劉)小慧姐姐、Cally(鄺美雲)姐姐……多到已不覺得一回事。但那時最鍾意的,是黎明。那期黎明真的好紅,甚至有同學問我:『你識黎明呀呵?可唔可以介紹戴思聰俾我識?我想學唱歌。』」 對,黎明,關楚耀童年頭號偶像,女友現任老闆。以前,或可以親切地叫聲Leon哥哥,現在恐怕…… 「同學知道我很容易就有簽名碟,都很羨慕,我自己則沒有甚麼感覺。反而由細到大都有點害怕契爺。」 害怕契爺 譚詠麟與關家關係密切,關楚耀自小對他又敬又怕。 「對契爺感覺好奇怪,一時是偶像,好像離自己好遠;一時又很親密,吃大閘蟹總會見到他。記得大概三、四歲時,他帶我出席歌迷會,無端端把我抱上台,大嗌:『我契仔呀,得唔得意呀?』班歌迷當然歡呼啦,但我就嚇到喊。」 關楚耀在日本藏毒,譚詠麟表現痛心,全因愛之深責之切。 「契爺好錫我,但如果我曳,佢一樣會鬧。總之每次見到契爺,就自然會『立正』。」 譚詠麟「老死」阿叻陳百祥,也是關楚耀半個uncle。 「以前唱片市道好景,每年聖誕節爸爸都帶我跟他們一起到日本滑雪。那時叫阿叻做『叻叔』,入行後才改口叫『叻哥』,無端端俾叻叔呃幾年喎,哈!」 ○六年關楚耀首次開騷,譚詠麟專程撐場(左);今年譚詠麟再開《左麟右李》,也預關楚耀上台(右),呢個契爺認真唔話得。 未紅先黑 撇除最近的負面新聞,關楚耀本質其實不壞。他乖巧有禮,難怪出事後圈中大部分人撐他。 關楚耀在加拿大出生,之後回流,中學讀堅尼地道聖若瑟。家境中上,外形醒目,是個典型的St.Joe仔。中學畢業後在多倫多UniversityofWaterloo讀經濟。 「最初打算學人做生意。」 大學第一年放暑假回港,與父母到台灣旅行,父親相約舊同事聚舊,對方是台灣環球唱片高層。一行人晚上到「錢櫃」唱K,對方見他唱得兩嘴,就問他有無興趣簽約。 「都幾奇遇,明明去旅行,第二日變了試音,之後變了傾合約。我自己十五十六,反而爸爸好鼓勵我。他說很多人發夢都想做歌手,現在有唱片公司願意出錢栽培,這樣的機會很難得。」 關父閱人無數,當然知道甚麼機會對兒子最好。關楚耀順理成章簽約台灣環球,時為○四年。 「頭三個月,都幾勤力,學國語、學結他、學作曲,但之後跟唱片公司鬧意見,開始懶散。」 關楚耀一心作個人發展,豈料唱片公司想將他變為組合,他不肯妥協,結果未紅先黑,未出碟先雪藏。 「如果我乖乖,話唔定係《棒棒堂》其中一個……被雪了大半年,感覺好像被放逐。雖然公司有住宿津貼,但生活費始終不夠,又不想問父母要錢,試過一日三餐到樓下7-11買便當。」 自小未捱過的關楚耀,在台灣這一年,算是入行前最難過。○五年,他跟台灣環球達成協議,把唱片合約轉回香港。 「其實係俾人踢返,佢都樂得無眼屎乾淨盲。」 第二次機會 _關楚耀出身富裕,小時候已經常周遊列國。 _關楚耀父親關維麟是寶麗金年代的唱片監製,曾打造不少天王巨星。《壹週刊》圖片 關楚耀○六年二月開始錄歌,是那年頗耀眼的新人。○七年的〈你當我甚麼〉,更是紅遍界。 「之前懶散了大半年,都幾後悔。我好彩,不是每個人都有第二次機會的。」 … Continue reading